Кишоварзони шаҳри Ҳисор дар 3 ҳазору 772 гектар замини обӣ шудгор гузарониданд
ДУШАНБЕ, 05.01.2026 /АМИТ «Ховар»/. Кишоварзони шаҳри Ҳисор дар 3 ҳазору 772 гектар замини обӣ шудгорро анҷом дода, дар зиёда аз ҳазору 900 гектар зироати ғалладонагӣ, дар 201 гектар беда, дар 16,6 гектар пиёзу сабзавот ва дар 716 гектар гандум кишт намуданд. Инчунин 1815 гектар замини лалмӣ шудгор карда шудааст.
Тавре аз Раёсати кишоварзии шаҳри Ҳисор ба АМИТ «Ховар» иттилоъ доданд, дар хоҷагиҳои ҷамъиятию деҳқонии шаҳр 6 ҳазору 771 гектар замини обӣ ва қариб 4 ҳазор гектар замини лалмӣ мавҷуд мебошад. Дар хоҷагиҳои ҷамъиятию деҳқонии шаҳри Ҳисор шудгор ва кишти тирамоҳии зироат бо маслиҳату тавсияи олимон, намояндагони Вазорати кишоварзии ҷумҳурӣ ва мутахассисони Раёсати кишоварзии шаҳр ба роҳ монда шуда, дар тамоми хоҷагиҳо муташаккилона идома дорад.
Ҳоло дар саҳро 130-140 техникаи кишоварзӣ фаъолият дорад. Деҳқонон тасмим гирифтаанд, ки шудгор ва кишти тирамоҳии зироатро дар муҳлати муқарраргардида ва бо сифати баланд анҷом диҳанд.
АКС: Мақомоти иҷроияи ҳокимияти давлатии шаҳри Ҳисор
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
