«САДА — ҶАШНИ МИЛЛИИ ТОҶИКОН». Дар Донишкадаи омӯзгории Тоҷикистон дар Рашт ҳамоиши илмӣ доир шуд
РАШТ, 29.01.2026 /АМИТ «Ховар»/. Дар Донишкадаи омӯзгории Тоҷикистон дар ноҳияи Рашт ба муносибати ҷашни Сада таҳти унвони «Сада-ҷашни миллии тоҷикон» ҳамоиши илмӣ доир гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Донишкадаи омӯзгории Тоҷикистон дар ноҳияи Рашт иттилоъ доданд.
Дар ҳамоиш иброз гардид, ки ҷашни Сада инъикосгари тамаддуну фарҳанги аҷдодони мо буда, аз назари бузургону муаррихоне, назири Байҳақӣ, Берунӣ, Гардезӣ ва амсоли инҳо он яке аз ҷашнҳои бузурги бостонии мост. Абӯрайҳони Берунӣ дар «Ат-таҳфим» ва «Осор-ул-боқия» нигоштааст, ки «оташ дар бомҳо афрӯхта мешуд ва ин бо амри Фаридун сурат гирифт». Дар «Наврӯзнома», ки ба Хайём нисбат дода шудааст, низ омадааст, ки «ҷашни аср таҷлил шуд ва мардуме, ки аз зулми Заҳҳок ба дод омада буданд, писандиданд ва ба бахти хайр он рӯзро ҷашн гирифтанд ва ҳар сол то имрӯз ойини он шоҳони некӯ дар Эрон ва атрофи он ҷашн гирифта мешавад».
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар паёми шодбошӣ ба муносибати ҷашни Сада 29 январи соли 2022 иброз намудаанд, ки «шинохти таърихи бостонӣ, ифтихор аз фарҳангу тамаддуни чандинҳазорсолаи халқамон, эҳёи беҳтарин расму ойинҳои гузашта ва мутобиқ сохтани онҳо ба арзишҳои маънавии имрӯза дар шароити торафт вусъат гирифтани равандҳои ҷаҳонишавӣ худогоҳии таърихӣ ва ҳувияти миллии моро мукаммалу устувор менамояд. Дар асоси сарчашмаҳои таърихиву адабии ниёгонамон ҷашни Сада рамзи рӯшноӣ ва пирӯзии инсон бар қувваҳои бадӣ ба шумор меравад».
АКС: Донишкадаи омӯзгории Тоҷикистон дар ноҳияи Рашт
«АЗ ПЕШДОДИЁН ТО ТОҶИКИСТОН». Назаре ба таърихи пайдоиш ва эҳёи ҷашни Сада
Дар Исфара ҷашни Сада бо расму ойини аҷдодӣ таҷлил гардид
«САЙРИ САДА». Барои меҳмонону сайёҳони шаҳри Душанбе хатсайри ройгони сайёҳӣ ташкил карда мешавад
ҶАШНИ САДА — МЕРОСИ ФАРҲАНГИИ ТОҶИКОН. Он оғози омодагӣ ба Наврӯз буда, табиату инсонро аз зимистон ба баҳорон мерасонад
САДА — ҶАШНИ МИЛЛИИ БОСТОНИИ ТОҶИКОН. Оид ба он машварати илмӣ-назариявӣ доир шуд
«ДАРВОЗАИ НАВРӮЗ АСТ ҶАШНИ САДАИ МЕҲАН». Дар шаҳри Панҷакент ҷашни Садаро бошукуҳ таҷлил намуданд
«САЙРИ САДА». 1 феврал барои меҳмонон ва сокинони пойтахт хатсайрҳои сайёҳии ройгон ташкил мешаванд
ҶАШНИ САДА МЕРОС АЗ НИЁГОНИ МО АСТ. Таҳти ин унвон дар Китобхонаи миллии Тоҷикистон ҳамоиш доир шуд
«ОТАШИ ҶАШНИ САДА ОТАШИ МЕҲРИ ВАТАН АСТ». Таҳти ин унвон дар Донишгоҳи давлатии Кӯлоб ҳамоиши илмӣ-назариявӣ доир шуд
ИДИ САДА ДАР СУҒД. Як зумра кишоварзони вилоят барои дастоварҳои назаррас дар соҳа ҳавасманд гардонида шуданд
