Таҷрибаи академияҳои маъруфи ҷиу-ҷитсуи ИМА барои рушди варзиш дар Тоҷикистон омӯхта мешавад
ДУШАНБЕ, 13.01.2026 /АМИТ «Ховар»/. Президенти Федератсияи ҷиу-ҷитсуи Ҷумҳурии Тоҷикистон Манучеҳр Каримзода дар Иёлоти Муттаҳидаи Амрико бо вазъи кунунии рушди ҷиу-ҷитсу, таҷрибаи пешқадами мактабҳо ва академияҳои машҳури ҷаҳонӣ оид ба ин намуди варзиш шинос шуд. Дар ин хусус ба АМИТ «Ховар» аз Федератсияи ҷиу-ҷитсуи Тоҷикистон хабар доданд.
Манучеҳр Каримзода бо фаъолияти якчанд академияи маъруфи ҷиу-ҷитсу, ки дар шаҳри Ню-Йорк, аз ҷумла дар минтақаи Манҳеттен ҷойгир мебошанд, ба монанди академияҳои машҳури Марсело Гарсия ва Рено Грейси, ки яке аз марказҳои бонуфузи рушди ҷиу-ҷитсу дар ҷаҳон ба ҳисоб мераванд, шинос гардид.
Ҳамзамон бо мураббиёни номдор ва мутахассисони варзида вохӯрӣ намуда, масъалаҳои марбут ба рушди ҷиу-ҷитсу, омодасозии варзишгарон, системаи таълим ва ҷалби оммавӣ ба ин намуди варзишро мавриди баррасӣ қарор дод.
Табодули таҷриба ва дониш дар сатҳи байналмилалӣ барои рушди минбаъдаи ҷиу-ҷитсу дар Тоҷикистон аҳамияти махсус дорад.
Диққати бештар ба он ҷалб гардид, ки дар Иёлоти Муттаҳидаи Амрико ҷиу-ҷитсу на танҳо дар байни ҷавонон, балки дар байни намояндагони ҳама синну сол ва махсусан занон васеъ рушд ёфтааст.
Ин таҷриба нишон медиҳад, ки ҷиу-ҷитсу метавонад барои ҳама қишрҳои ҷомеа намуди варзиши дастрас ва ҷолиб бошад.
Бо назардошти ин таҷрибаи муфид президенти Федератсияи ҷиу-ҷитсуи Тоҷикистон нақша дорад, ки ба рушди ҷиу-ҷитсуи занона ва ҷалби бештари занону калонсолон ба ин намуди варзиш диққати ҷиддӣ диҳад. Татбиқи таҷрибаи байналмилалӣ метавонад ба болоравии сатҳи ҷиу-ҷитсу ва маъруфияти он дар Тоҷикистон мусоидат намояд.
АКС: Федератсияи ҷиу-ҷитсуи Тоҷикистон
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
