«АРТИШИ МИЛЛӢ-НЕРУИ ПОЯНДАИ ДАВЛАТ». Таҳти чунин унвон дар шаҳри Бохтар ҳамоиш доир гардид
ДУШАНБЕ, 18.02.2026 /АМИТ «Ховар»/. 16 феврал бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон дар ҳамбастагӣ бо Мақомоти иҷроияи ҳокимияти давлатии вилояти Хатлон ва Кумитаи иҷроияи Ҳизби Халқии Демократии Тоҷикистон дар шаҳри Бохтар дар қисми ҳарбии Қӯшунҳои дохилии Вазорати корҳои дохилии Ҷумҳурии Тоҷикистон дар шаҳри Бохтар бахшида ба 33-солагии таъсиси Қувваҳои Мусаллаҳи Ҷумҳурии Тоҷикистон таҳти унвони «Артиши миллӣ — неруи пояндаи давлат» ҳамоиши сиёсӣ-фарҳангӣ баргузор гардид. Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар вилояти Хатлон хабар доданд.
Меҳмонон бо намоиши ҷузъу томҳои қисми ҳарбӣ, бозиҳои шавқовари варзишии футболу волейбол ва шоҳмот, инчунин толори варзишӣ, ошхона ва ҷойи хоби сарбозон шинос шуда, бо чанд сарбоз доир ба рафти хизмат дар сафи Артиши миллӣ суҳбат карданд. Ҳамчунин барои бозиҳои варзишӣ ба афсарону сарбозон туҳфаҳо, аз қабили тӯбҳои футбол ва волейбол, шоҳмоту шашка ва либосҳои варзишӣ тақдим гардиданд.
Иброз гардид, ки сарбозону афсарони шуҷои Ватан дар таъмини сулҳу субот ва ҳимояи марзу буми мамлакат нақши созгор доранд. Хизмат дар сафи Артиши миллӣ барои ҳар ҷавонмард боиси ифтихор ва шараф мебошад, зеро хизмат мактаби мардонагиву ватансозист. Хушбахтона, имрӯз бо талошҳои ҳамаҷонибаи Президенти Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар тамоми қисмҳои ҳарбӣ барои афсарону сарбозон шароити созгор таъмин мебошад.
Муовини Раиси вилояти Хатлон Абдулло Раҳмонзода изҳор дошт, ки “сол аз сол шароит ва имконияти моддию техникӣ дар қисмҳои ҳарбӣ беҳтар мегардад. Роҳбари давлат муҳтарам Эмомалӣ Раҳмон борҳо таъкид намудаанд, ки Қувваҳои муссалаҳи Тоҷикистон дар шароити бисёр мураккаби сиёсию иқтисодӣ таъсис шудаанд. Бо гузашти 33 сол сохторҳои низомии мо бо шароити муосири техникию тактикӣ таъмин гардида, рисолати худро дар назди халқу Ватан сарбаландона иҷро менамоянд. Хизмат дар сафи Қувваҳои Мусаллаҳ қарзи ҷавонмардии ҳар фарди соҳибмеҳан мебошад”.
Зимни ҳамоиши сиёсӣ-фарҳангӣ як зумра афсарону сарбозони қисми ҳарбӣ бо Сипосномаи Кумитаи иҷроияи Ҳизби Халқии Демократии Тоҷикистон дар вилояти Хатлон қадршиносӣ гардиданд.
Аз ҷониби Кумитаи иҷроияи Ҳизби Халқии Демократии Тоҷикистон дар вилояти Хатлон барои афсарону сарбозони қисми ҳарбии Қӯшунҳои дохилии Вазорати корҳои дохилии Ҷумҳурии Тоҷикистон дар шаҳри Бохтар дастархони идона ороста шуда, бо барномаи фарҳангӣ хотири хизматчиёни ҳарбӣ шод гардонида шуд.
АКС: Кумитаи иҷроияи Ҳизби Халқии Демократии Тоҷикистон дар вилояти Хатлон
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
