Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
ДУШАНБЕ, 09.02.2026 /АМИТ «Ховар»/. Давоми фурсати кӯтоҳи таъсиси Филиали Донишкадаи рушди менеҷменти Сингапур дар шаҳри Душанбе, яъне аз соли 2022 инҷониб дар фаъолияти донишкада афзоиши устувори шумораи донишҷӯён ба назар мерасад. Агар дар соли аввали таҳсил 25 донишҷӯ таҳсилро оғоз карда бошад, дар соли дуюм ин рақам ба 32 нафар ва дар соли сеюм ба 51 нафар расид. Дар асоси ин рӯйдоди ҷолибу назаррас Донишкада барои қабули шумораи бештари донишҷӯён дар соли таҳсили оянда нақшаҳои кориро тарҳрезӣ менамояд. Ин матлабро ректори донишкада Зайниддин Мухторов зимни нишасти матбуотӣ баён намуд.
Иттилоъ дода шуд, ки дар соли таҳсили 2024-2025 13 донишҷӯ бо истифода аз квотаҳои шарикон дар Филиали Донишкадаи рушди менеҷменти Сингапур дар шаҳри Душанбе ба таҳсил фаро гирифта шуданд. Дар соли таҳсили 2025 — 2026 квотаҳои таҳсил ба 15 нафар донишҷӯён дастрас гардиданд.
«Ин нуктаро низ бояд таъкид намуд, ки аз 1 августи соли 2025 донишкада бо Агентии инноватсия ва технологияҳои рақамии назди Президенти Ҷумҳурии Тоҷикистон тафоҳумномаҳои ҳамкорӣ ба имзо расонид. Ҳамкории донишкада бо корхонаҳо ва мақомоти давлатии Ҷумҳурии Тоҷикистон низ тақвият меёбад. Ҳамзамон ин созишнома ташаббусҳои муштараки омӯзишӣ, лоиҳаҳои таҳқиқотӣ, коромӯзӣ, мубодилаи мутахассисони варзида, татбиқи ҳамбастагии таҳсилоти олии касбӣ бо истеҳсолот ва тақвияти таҷрибаи саноатиро ба таври самаранок татбиқ менамояд», -афзуд Зайниддин Мухторов.
Дар нишасти матбуотӣ иттилоъ дода шуд, ки аз соли 2023 Филиали Донишкадаи рушди менеҷменти Сингапур дар шаҳри Душанбе барномаҳои бакалавриатро дар самтҳои «Менеҷменти молия ва бизнес», «Менеҷменти бизнес ва маркетинг», «Технологияҳои иттилоотӣ», «Киберамният» ва «Менеҷменти туризми байналмилалӣ ва меҳмоннавозӣ» пешниҳод менамояд.
Ҳамзамон иттилоъ дода шуд, ки дар донишкада барномаҳои вижаи магистратура, аз ҷумла «MBA» (Master of Business Administration) ба роҳ монда шудаанд. Ин барномаҳо ба самтҳои афзалиятноки рушди миллӣ ва талаботи бозори меҳнат мувофиқ буда, махсусан барои соҳаҳои бизнес, мубодилоту мухобироти рақамӣ, рушди саноат ва туризм аҳамияти назаррас доранд.
АКС: Филиали Донишкадаи рушди менеҷменти Сингапур дар шаҳри Душанбе
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Давраи чоруми бақайдгирии довталабон барои иштирок дар ИМД-2026 баргузор мегардад
Дар Душанбе доир ба ташаккули маърифати зиддикоррупсионӣ ҳамоиш баргузор гардид
Донишгоҳи технологии Тоҷикистон соҳиби аккредитатсияи байналмилалии институтсионалӣ гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
