Дар Тоҷикистон барои табобати омоси ҷигар усули нав амалӣ шуд
ДУШАНБЕ, 19.02.2026 /АМИТ «Ховар»/. Дар Тоҷикистон барои ташхис ва муайян кардани омосҳои ҷигар ва дигар бемориҳои мураккаби онкологӣ дастгоҳи муосири аблятсияи микромавҷӣ (Microwave Ablation, MWA) дастрас гардид.
Тавре ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, нахустин маротиба тавассути ин дастгоҳи муосир дар Муассисаи давлатии «Маркази ҷумҳуриявии илмии саратоншиносӣ» усули муосири аблятсияи микромавҷӣ (Microwave Ablation, MWA) барои табобати омосҳои ҷигар муваффақона иҷро гардид.
Ин дастгоҳ имкон фароҳам меорад, ки бемориҳои онкологӣ ба таври дақиқ ташхис ва муайян карда шаванд. Амалӣ намудани ин технология марҳилаи муҳим дар рушди онкологияи интервенсионӣ ва ҷарроҳии камзахмӣ дар Ҷумҳурии Тоҷикистон ба ҳисоб рафта, имконияти табобати муосири беморони гирифтори бемориҳои онкологиро васеъ менамояд.
Иттилоъ дода шуд, ки аблятсияи микромавҷӣ усули баланди технологии камзахмӣ буда, истифода аз энергияи электромагнитии басомади зиёд боиси баланд шудани ҳарорати бофта ва ба вуҷуд омадани некрози коагулятсионии ҳуҷайраҳои омосӣ мегардад. Ин усул бо самаранокии баланд, бехатарӣ ва имконияти истифода дар бемороне, ки барои ҷарроҳии анъанавӣ маҳдудият доранд, фарқ мекунад.
Ин намуди амалиёти ҷарроҳӣ имконият медиҳад, ки табобати омосҳои хушсифат ва бадсифати андозаашон хурди дорои бемориҳои ҳамрадифи хатарнок бе буриш пурра табобат карда шаванд. Беморон баъди як шабонарӯз ба хона ҷавоб дода мешаванд.
Бояд гуфт, ки қаблан барои гузаронидани чунин амалиёти ҷарроҳӣ шаҳрвандони мамлакат бо харҷи зиёд ба хориҷи ҷумҳурӣ сафар мекарданд. Ҳоло онҳо дар ватан ба табобати муосир фаро гирифта мешаванд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
