ИСТИФОДАИ САМАРАНОКИ ЗАМИН. Дар Хатлон дар 2495,7 гектар гармхонаи доимӣ ва мавсимӣ сабзавот кишт карда шуд
ДУШАНБЕ, 15.02.2026 /АМИТ «Ховар»/. Бо мақсади таъмини бозори истеъмолӣ бо маҳсулоти ватанӣ соли 2025 дар вилояти Хатлон дар майдони умумии 2495,7 гектар гармхонаҳои доимӣ ва мавсимӣ сабзавот кишт карда шуд. Дар ин хусус АМИТ «Ховар» бо истинод ба хадамоти матбуоти Раиси вилояти Хатлон хабар медиҳад.
Аз ҳисоби ин гармхонаҳо 75,2 ҳазор тонна сабзавот истеҳсол гардид, ки аз он 24,5 ҳазор тонна помидор, 21,0 ҳазор тонна бодиринг ва 29,5 ҳазор тонна дигар сабзавот мебошад. Ба иттилои масъулин, ин иқдом сатҳи дастрасии аҳолӣ ба маҳсулоти тоза ва хушсифати ватаниро баланд бардошта, дар таъмини амнияти озуқаворӣ нақши муҳим дорад.
Яке аз гармхонаҳои вилоят дар Ҷамоати деҳоти Ҳилолии ноҳияи Хуросон мебошад, ки аз ҷониби соҳибкор Маҳмадюсуф Олимов бо мақсади парвариши сабзавоти хушсифат, аз ҷумла бодиринг ва помидор дар 8 садяк бунёд гардидааст.
Бо бунёди гармхона 8 нафар сокинони маҳаллӣ бо ҷойи кор таъмин шуданд, ки ин дар рушди соҳибкории хурд ва баланд бардоштани сатҳи иҷтимоии аҳолӣ нақши муҳим дорад.
Бод иброз намуд, ки сол то сол таваҷҷуҳи кишоварзон барои дар гармхонаҳо парвариш намудани сабзавоти тару тоза ва полезиҳо меафзояд. Зеро кишту парвариши зироат дар шароити гармхона имкон медиҳад, ки давоми фаслҳои зимистону баҳор талаботи бозори дохилӣ бо маҳсулоти тару тозаи кишоварзӣ, аз ҷумла помидору бодиринг таъмин карда шавад.
Ҳамин аст, ки дар бозорҳои истеъмолии мамлакат дар ҳама мавсим маҳсулоти тару тоза ба таври фаровон ба мушоҳида мерасад. Инчунин васеъ гардидани майдони гармхонаҳо аҳамияти иқтисодӣ ва иҷтимоӣ дорад.
Президенти Ҷумҳурии Тоҷикистон муҳтарам Эмомалӣ Раҳмон дар суханрониҳо вобаста ба таъмини амнияти озуқавории мамлакат пайваста таъкид менамоянд, ки бояд заминро самаранок истифода бурда, ҳосили бештар бардорем ва аз маводи озуқаворӣ танқисӣ накашем.
Ҳамзамон Пешвои миллат муҳтарам Эмомалӣ Раҳмон пайваста ба масъулин дастур медиҳанд, ки бо истифодаи самараноки имконият ҳаҷми истеҳсоли ватаниро афзоиш дода, барои рушди устувори соҳа, бахусус дар шароити гармхона тадбир андешанд.
АКС: Хадамоти матбуоти Раиси вилояти Хатлон
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
Кишоварзони Ваҳдат имсол ҳаҷми умумии маҳсулотро ба беш аз 1 миллиарду 689 миллион сомонӣ расониданд
