НИШАСТИ МАТБУОТӢ. Дар ноҳияи Рашт 27 омузгор бо қитъаи замини наздиҳавлигӣ таъмин гардид
РАШТ, 03.02.2026 /АМИТ «Ховар»/. Соли 2025 дар асоси муроҷиати омӯзгорони эҳтиёҷманд дар ноҳияи Рашт 27 омузгор бо қитъаи замини наздиҳавлигӣ таъмин гардид. Ҳамчунин ба омӯзгорон Саодат Кабутова ва Сайфиддин Қаҳҳоров, ки хонаҳои истиқоматияшон бар асари заминларза пурра аз байн рафта буд, бо дастгирию ҳидояти Пешвои миллат муҳтарам Эмомалӣ Раҳмон аз ақомоти иҷроияи ҳокимияти давлатии ноҳия хонаҳои замонавӣ дода шуд. Бояд гуфт, ки бо роҳхати Вазорати маориф ва илми Ҷумҳурии Тоҷикистон 21 омӯзгори ҷавон аз Вилояти Мухтори Кӯҳистони Бадахшон дар ноҳияи Рашт фаъолият доранд. Мақомоти иҷроияи ҳокимияти давлатии ноҳияи Рашт барои онҳо шароити хуби зиндагӣ муҳайё намудааст. Дар баъзе муассисаҳои таълимӣ хонаҳои омӯзгорон мавҷуданд, ки тарбиятгарони насли наврас дар онҳо бо ҷойи зист таъмин карда мешаванд. Ин матлабро зимни нишасти матбуотӣ Раиси ноҳияи Рашт Зарина Идизода баён намуд.
Мақомоти иҷроияи ҳокимияти давлатии ноҳияи Рашт дар доираи Солҳои рушди саноат (2022-2026) бо ҷалби маблағҳои соҳибкорон ва шарикони рушд бунёди 21 коргоҳи истеҳсолию корхонаҳои саноатиро ба нақша гирифта буд. Ба ҳолати якуми декабри соли 2025 шумораи коргоҳу корхонаҳои истеҳсолӣ ба 34 адад расонида шуд, ки нисбат ба соли 2024 се коргоҳу корхона зиёд мебошад.
Гуфта шуд, ки дар ноҳияи Рашт бахшида ба ҷашни бузурги 35-солагии Истиқлоли давлати Ҷумҳурии Тоҷикистон бо дастгирии соҳибкорону сокинони ноҳия бунёд ва ба истифода додани 404 иншооти мухталиф ба нақша гирифта шудааст. То имрӯз 278 иншооти таъйиноти гуногун мавриди истифода қарор дода шудааст. Дар иншооти боқимонда сохтмону навсозӣ идома дошта, дар муҳлати муқарраргардида ба истифода дода мешаванд. Ба 404 иншооти нақшавӣ 66 иншоот дар соҳаи маориф, 17 иншоот дар соҳаи тандурустӣ, 13 иншоот дар соҳаи фарҳанг, 38 иншоот дар соҳаи варзиш, 88 иншоот дар соҳаи савдо ва хизматрасонӣ, 32 коргоҳу корхонаи истеҳсолӣ, 7 бинои маъмурӣ, 7 бинои истиқоматии баландошёна, 8 пули мошингузар, 38 иншооти обтаъминкунӣ, 4 иншоот дар соҳаи сайёҳӣ, 6 иншоот дар соҳаи барқтаъминкунӣ, 8 истгоҳ, 1 паноҳгоҳ, 7 ҳавзи моҳипарварӣ, ду гармхонаю сардхона, 2 ҳаммоми замонавӣ ва дигар иншооти гуногун дохил мешаванд.
Субҳониддини МАҲМУД,
АМИТ «Ховар»
АКС: АМИТ «Ховар»
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
