НИШАСТИ МАТБУОТӢ. Донишгоҳи байналмилалии сайёҳӣ ва соҳибкории Тоҷикистон ба радифи донишгоҳҳои беҳтарини ҷаҳон дохил гардид
ДУШАНБЕ, 02.02.2026 /АМИТ «Ховар»/. Соли 2025 Донишгоҳи байналмилалии сайёҳӣ ва соҳибкории Тоҷикистон дар рейтинги ҷаҳонии «Донишгоҳҳои сабз» фаъолона иштирок намуда, ба радифи донишгоҳҳои беҳтарини ҷаҳон дохил гардид ва дар Тоҷикистон мавқеи аввалро соҳиб шуд. Дар ин хусус ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода имрӯз дар нишасти матбуотӣ ба намояндагони воситаҳои ахбори омма иттилоъ дод.
Гуфта шуд, ки соли 2025 барои ҳайати омӯзгорону донишҷӯёни Донишгоҳи байналмилалии сайёҳӣ ва соҳибкории Тоҷикистон соли муҳим буд. Ташрифи Президенти Ҷумҳурии Тоҷикистон муҳтарам Эмомалӣ Раҳмон ба донишгоҳ ва суханронӣ ба муносибати Рӯзи дониш ва Дарси сулҳ нишонаи равшани таваҷҷуҳи пайвастаи роҳбарияти давлат ба рушди илму маориф арзёбӣ мегардад.
Убайдулло Асрорзода афзуд, ки зимни ташрифи Пешвои миллат ба донишгоҳ як бинои 8-ошёна, 1 бинои 3-ошёна ва 1 бинои 5-ошёнаи хобгоҳ, Маркази таълимию истеҳсолии дӯзандагӣ ва марказҳою озмоишгоҳҳо бо тарҳи муосир ва ҷавобгӯ ба стандартҳои милливу байналмилалӣ мавриди истифода қарор дода шуданд.
Бо дахли раванди таҳсил дар донишгоҳ ректор таъкид намуд, ки раванди таҳсил дар ин донишгоҳ бо назардошти эҳтиёҷоти муосири иқтисоди мамлакат пайваста такмил дода шуд. Ҳамчунин нақша ва барномаҳои таҳсилотӣ пурра таҷдиди назар гардида, аз 77 ба 101 ихтисос расонида шуд.
Соли 2025 бо мақсади густариши робитаҳои илмию амалӣ ва таҳкими ҳамкории судманд бо бахши истеҳсолию хизматрасонӣ кафедраҳои донишгоҳ бо 96 корхона ва ташкилоти соҳавӣ созишномаи нави ҳамкорӣ ба имзо расониданд. Инчунин фаъолияти донишгоҳ дар самти рушди стратегӣ ба татбиқи марҳилавии «Стратегияи рушди донишгоҳ барои давраи то соли 2040» ва такмили сифати таҳсил равона гардида, дар ин давра дар доираи марҳилаи аввали он -солҳои 2024–2026 тадбирҳои муҳим ба иҷро расонида шуданд.
Ёдовар мешавем, ки марҳилаи мазкур ба амалисозии ташаббусҳои стратегӣ барои баланд бардоштани сифати таҳсилот, ҷорӣ намудани технологияҳои рақамӣ дар низоми идоракунӣ ва таълим, инчунин таҳкими мавқеи байналмилалии донишгоҳ равона гардида, ҳамчун пояи устувор ба рушди муассиса дар давраҳои минбаъда мусоидат менамояд.
Марзия САИДЗОДА,
АМИТ «Ховар»
АКС: АМИТ «Ховар»
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Давраи чоруми бақайдгирии довталабон барои иштирок дар ИМД-2026 баргузор мегардад
Дар Душанбе доир ба ташаккули маърифати зиддикоррупсионӣ ҳамоиш баргузор гардид
Донишгоҳи технологии Тоҷикистон соҳиби аккредитатсияи байналмилалии институтсионалӣ гардид
