НИШАСТИ МАТБУОТӢ. Соли 2025 дар Донишгоҳи давлатии молия ва иқтисоди Тоҷикистон 15 ихтисоси нав таъсис ёфт
ДУШАНБЕ, 02.02.2026 /АМИТ «Ховар»/. Соли 2025 дар донишгоҳ 15 ихтисоси нав таъсис дода шуда, нақшаи нави таълим ва барномаҳои нави таҳсилотии ба талаботи стандартҳои замони муосир ҷавобгӯ таҳия гардид, ки ҳоло мавриди амал қарор доранд. Дар ин хусус имрӯз ректори Донишгоҳи давлатии молия ва иқтисоди Тоҷикистон Бобоҷон Сатторзода зимни нишасти матбуотӣ ба хабарнигорон иттилоъ дод.
Бобоҷон Сатторзода иброз дошт, ки дар айни замон дар донишгоҳ 7 факултет, 21 кафедраи тахассусӣ ва 8 кафедраи умумидонишгоҳӣ фаъолият намуда, аз рӯйи самтҳои гуногун мутахассисони соҳаи молия, андоз, бонкдорӣ, иқтисод, технологияҳои инноватсионию коммуникатсионӣ ва ҳуқуқи иқтисодӣ омода менамоянд.
Масъалаи тақсимот ва бо ҷойи кор таъмин намудани мутахассисони ҷавон мавриди назари доимии раёсати донишгоҳ қарор дошта, ҳамасола аз 60 то 65 фоизи онҳо бо ҷойи кор таъмин карда мешаванд.
«Соли 2025 дар доираи Барномаи мубодилаи донишҷӯён 18 донишҷӯ ба Русия, Беларус ва Қазоқистон барои таҳсил равона карда шуданд. Дар айни замон дар донишгоҳ 140 донишҷӯ аз Узбекистон, Қазоқистон, Чин ва Русия таҳсил менамоянд»,-гуфт ректори донишгоҳ.
Раъно НУСРАТУЛЛО,
АМИТ «Ховар»
АКС аз манбаъҳои боз
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
