Олимон ва муҳаққиқони тоҷик дар Намоишгоҳи байналмилалии ихтироъкорӣ дар Кувайт соҳиби 10 медал шуданд
ДУШАНБЕ, 12.02.2026 /АМИТ «Ховар»/. Аз 8 то 11 феврал ҳайати олимон ва муҳаққиқони Ҷумҳурии Тоҷикистон дар Намоишгоҳи 16-уми байналмилалии ихтироъкорӣ дар Ховари Миёна, ки дар Давлати Кувайт баргузор гардид, фаъолона иштирок намуд.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, аз байни олимон ва муҳаққиқони тоҷик се нафар ба дарёфти медалҳои тилло, се нафар ба медалҳои нуқра ва чор нафар ба медалҳои биринҷӣ сазовор гардид, ки дастоварди назарраси илми ватанӣ ба шумор меравад.
Дар маросими ҷоизасупорӣ вазири маорифи Давлати Кувайт доктор Ҷалол ат-Табтабаӣ, роҳбари корпуси дипломатӣ, Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдзода, инчунин аъзои корпуси дипломатӣ, намояндагони марказҳои илмӣ-таҳқиқотӣ ва шумораи зиёди намояндагони воситаҳои ахбори оммаи кувайтӣ иштирок доштанд.
Бояд таъкид намуд, ки омӯзгорон ва кормандони муассисаҳои таҳсилоти Ҷумҳурии Тоҷикистон бо иштироки фаъолона дар чорабиниҳои сатҳи байналмилалӣ дар муаррифӣ ва таҳкими нуфузи илми миллӣ саҳми арзанда мегузоранд.
АКС: Сафорати Ҷумҳурии Тоҷикистон дар Давлати Кувайт
РАВАНДИ ОБИ ДУШАНБЕ. Дар Конфронси чоруми байналмилалии сатҳи баланд кадом масъалаҳо баррасӣ мешаванд?
Дар шаҳри Варшава барои ҷавонони тоҷик мусобиқаи футбол ташкил карда шуд
Ҳамкорӣ байни муассисаҳои таҳсилоти олии Тоҷикистон ва Донишгоҳи давлатии иқтисодии Озарбойҷон баррасӣ гардид
Сафири Тоҷикистон бо муовини Фармондеҳи генералии Қӯшунҳои сарҳадии Лаҳистон вохӯрӣ кард
Сафари таърихии давлатӣ ба Чин. Натиҷаҳо беш аз 80 санади нави ҳамкорӣ ва ҷалби зиёда аз 8 миллиард доллари амрикоӣ сармоя ба иқтисодиёти Тоҷикистон
Сироҷиддин Муҳриддин бо роҳбари Дафтари барномаҳои САҲА дар Тоҷикистон мулоқот намуд
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
