Президенти Бонки Осиёии Рушд Масато Канда ба Тоҷикистон меояд
ДУШАНБЕ, 25.02.2026 /АМИТ «Ховар»/. Президенти Бонки Осиёии Рушд Масато Канда 3 марти соли 2026 бо сафари корӣ, ки то 5 март идома меёбад, ба Ҷумҳурии Тоҷикистон меояд, иттилоъ медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон.
Тибқи нақша Президенти Бонки Осиёии Рушд дар доираи сафар ба кишвари мо дар мулоқоту вохӯриҳо бо ҷониби Тоҷикистон , масъалаҳои марбут ба тақвияти ҳамкории Бонки Осиёии Рушдро бо Ҷумҳурии Тоҷикистон дар соҳаҳои гуногун баррасӣ менамояд.
Бояд гуфт, ки Тоҷикистон ҳамкориро бо Бонки Осиёии Рушд аз соли 1998 ба роҳ мондааст. Ин ниҳоди бонуфузи молиявӣ дар самти татбиқи лоиҳаҳои муҳими иқтисодию иҷтимоӣ яке аз шарикони сратегии Тоҷикистон маҳсуб мешавад. Дар муддати 28 соли ҳамкорӣ Бонки Осиёии Рушд дар Тоҷикистон зиёда аз 200 лоиҳаро бо маблағи умумии беш аз 2,7 миллиард доллар, аз ҷумла дар соҳаҳои калидии иқтисоди Тоҷикистон –энергетика, инфрасохтори нақлиёт, тандурустӣ, маориф ва беҳтар кардани амнияти озуқаворӣ ва дигар соҳаҳо маблағгузорӣ ва татбиқ намудааст.
Бонки Осиёии Рушд дар айни замон дар Тоҷикистон бархе аз лоиҳаҳоро дар самти рушди иқтисоди “сабз”, рақамикунонӣ ва дастгирии бахши хусусӣ татбиқ менамояд.
Интизор меравад, ки Президенти Бонки Осиёии Рушд Масато Канда дар Тоҷикистон бо Маркази рушди малакаҳои касбӣ дар шаҳри Душанбе шинос карда шавад.
Марзия САИДЗОДА,
АМИТ «Ховар»
АКС аз манбаъҳои боз
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Дар Бонки миллии Тоҷикистон бо иштироки Намояндагии UNICEF малакаҳои амалии молиявӣ баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Бонки миллии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон тангаҳои хотиравиро ба фурӯш баровард
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
ҚУРБИ АСЪОР: 1 рубли русӣ аз 0.1000 то 0.1060 сомонӣ муқррар шудааст
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Дар доираи татбиқи лоиҳаи озмоишӣ платформаи рақамӣ таҳия мегардад
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
