Соли 2025 ба буҷети давлатӣ аз ҳисоби пардохтҳои гумрукӣ 12 миллиарду 720,1 миллион сомонӣ ворид карда шуд
ДУШАНБЕ, 12.02.2026 /АМИТ «Ховар»/. Хадамоти гумруки Тоҷикистон аз барзиёд иҷро гардидани нақшаи ҷамъоварии пардохтҳои гумрукӣ дар мамлакат дар соли 2025 иттилоъ медиҳад.
Тавре Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода имрӯз зимни нишасти матбуотӣ ба хабарнигорон иттилоъ дод, соли 2025 нақшаи пардохтҳои гумрукӣ ба маблағи 10 миллиарду 405,3 миллион сомонӣ пешбинӣ гардида, дар асл дар ин давра ба буҷети давлатӣ 12 миллиарду 720,1 миллион сомонӣ ворид карда шуд. Ин рақам нисбат ба нақша ба қадри 2 миллиарду 314,8 миллион сомонӣ (122,3 фоиз) ва нисбат ба пардохтҳои гумрукии ҷамъовардашуда дар соли 2024 (9 751,6) ба маблағи 2 миллиарду 968,5 миллион сомонӣ (130,4 фоиз ) зиёд мебошад.
Гуфта шуд, ки иҷрои нақша аз рӯи намуди пардохтҳои гумрукӣ, аз ҷумла воридоти анлоз аз арзиши иловашуда 109,2 фоиз ё 729,7 миллион сомонӣ зиёд, боҷи гумрукӣ 147,3 фоиз ё 608,6 миллион сомонӣ зиёд, боҷи содиротӣ 228,1 фоиз ё 205,9 миллион сомонӣ зиёд, андози аксизӣ 116,5 фоиз ё 143,6 миллион сомонӣ зиёд ва воридоти ғайриандозӣ ба қадри 536,8 фоиз ё 743,5 миллион сомонӣ зиёд таъмин карда шуд.
Хуршед Каримзода афзуд, ки новобаста аз идома ёфтани буҳрони молиявӣ-иқтисодӣ дар робита ба ногувор шудани вазъи сиёсии минтақа ва ҷаҳон, ки боиси ба миён омадани душвориҳои зиёд ҳангоми интиқоли борҳо байни шарикони тиҷорати хориҷии ҷумҳурӣ гардид, Хадамоти гумрук тавонист иҷрои нақшаи пардохтҳои гумрукиро барзиёд таъмин намояд.
Омилҳои асосии барзиёд иҷро гардидани нақшаи пардохтҳои гумрукӣ, дар маҷмуъ ба амалӣ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба дарёфти сарчашмаҳои иловагӣ ба қисми даромади буҷети давлатӣ, ворид намудани тағйиру иловаҳо ба якчанд санадҳои меъёрии ҳуқуқӣ ҷиҳати муқаррар намудани меъёрҳои нав ва баланд бардоштани меъёрҳои амалкунандаи пардохтҳои гумрукӣ нисбат ба воридот ва содироти баъзе молҳо, инчунин рақамикунонии соҳаи фаъолияти мақомоти гумрук ва дар ин раванд такмили низоми маъмурикунонии гумрукӣ рабт дода шуд.
Марзия САИДЗОДА,
АМИТ «Ховар»
АКС: АМИТ «Ховар»
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
