ТАҚВИМИ АМИТ «ХОВАР»: имрӯз 27 феврал, ҷумъа, 58-умин рӯзи соли 2026 аст

27 феврали соли 2000 интихоботи палатаи поёнии Парлумони Тоҷикистон баргузор гардид.

***

27 феврали соли 2013 Қонуни Ҷумҳурии Тоҷикистон «Дар бораи гаравхона (ломбард)» қабул гардид.

***

27 феврали соли 2017 Президенти Федератсияи Русия Владимир Путин Президенти Ҷумҳурии Тоҷикистон муҳтарам Эмомалӣ Раҳмонро бо мукофоти олии Федератсияи Русия- Ордени Александр Невский қадрдонӣ  намуд.

***

Дар ин рӯзи соли 2017 байни Ҳукумати Ҷумҳурии Тоҷикистон ва Ҳукумати Федератсияи Русия оид ба ҳамкорӣ дар соҳаи истифодаи энергияи атомии сулҳҷӯёна созишнома ба имзо расид.

***

27 феврали соли 2020 дар Душанбе масъалаи ҳамкории Тоҷикистон ва Олмон дар самти мубориза бо коррупсия муҳокима гардид.

***

27 феврали соли 2023 ҷоизаи Раиси шаҳри Душанбе барои муҳаққиқони ҷавон таъсис ёфт.

27 ФЕВРАЛ:

Рӯзи байналмилалии хушбинӣ.

***

Рӯзи байналмилалии хирси сафед.

***

Дар Русия – Рӯзи қувваҳои амалиёти махсус.

РӮЙДОДҲО:

27 феврали соли 1844 истиқлолияти Ҷумҳурии Доминикан эълон карда шуд.

***

Соли 1974  дар Ню-Йорк аввалин шумораи маҷаллаи «People» бо теъдоди 1 миллион нусха аз чоп баромад, ки дар бораи ҳаёт ва фаъолияти ситораҳои санъат нақл мекард.

***

 27 феврали соли  1900 дастаи футболи «Бавария» таъсис дода шуд.

ДАР ИН РӮЗ ТАВАЛЛУД ШУДААНД:

Абдураҳмон Раҳимов— соли 1933 — Корманди шоистаи фарҳанги Тоҷикистон

***

Абдунабӣ Сатторзода— соли  1941 — доктори илмҳои филологӣ, профессор, ходими давлатӣ.