Бахшида ба 10-солагии мақоми шаҳрро касб намудани Ҳисор ҳамоиш баргузор гардид
ДУШАНБЕ, 02.03.2026 /АМИТ «Ховар»/. Ба ифтихори 10-солагии мақоми шаҳрро касб намудани Ҳисор таҳти унвони «Пайки 35-соли Истиқлол бо Эмомалӣ Раҳмон» ҳамоиши тантанавӣ баргузор гардид. Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар шаҳри Ҳисор хабар доданд.
Дар ҳамоиш раиси шаҳри Ҳисор Ҷаббор Носирзода, муовини якуми Раиси Ҳизби Халқии Демократии Тоҷикистон Маликшо Неъматзода, вакили Маҷлиси намояндагони Маҷлиси Олии Ҷумҳурии Тоҷикистон Сурайё Дустмуродзода ва дигарон иштирок намуданд.
Ҷаббор Носирзода таъкид намуд, ки сокинон 10-солагии мақоми шаҳрро дар фазои сулҳу субот ва бо шукргузорӣ аз сиёсати хирадмандонаву бунёдкоронаи Президенти Ҷумҳурии Тоҷикистон, Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон таҷлил менамоянд.
Иброз гардид, ки ба шарофати соҳибистиқлолии кишвар ва сиёсати созандаи Роҳбари давлат соли 2015 ҷашни 3000-солагии Ҳисор бо шукуҳу шаҳомати баланд баргузор шуд. Дар ин замина инфрасохтори шаҳр куллан нав гардида, даҳҳо иншооти иҷтимоӣ бунёд ва Мамнуъгоҳи ҷумҳуриявии таърихию фарҳангии Ҳисор ба асли замони худ барқарор карда шуд.
Муовини якуми Раиси Ҳизби Халқии Демократии Тоҷикистон Маликшо Неъматзода зимни суханронӣ оид ба ҳадафҳои созандаи давлату Ҳукумат, татбиқи барномаҳои давлатӣ, вусъати корҳои ободонию созандагӣ, таҳкими худшиносиву худогоҳии миллӣ, тарбияи ахлоқиву ватандӯстии ҷавонон ва ҳифзи мероси ниёгон ибрози андеша намуд.
Сурайё Дустмуродзода низ аз дастовардҳои даврони соҳибистиқлолӣ ва нақши Ҳисор дар таърихи давлатдории тоҷикон ёдовар шуд.
Дар идома маросими қадрдонии аъзои фаъоли ҳизб баргузор гардида, ба як қатор фаъолон Сипосномаҳо тақдим карда шуданд.
Ҳамзамон ғолибони озмунҳои «Чеҳраи муваффақи диёр» таҳти унвони «Якдил шавему мулк обод кунем» ва «Беҳтарин мутахассиси соҳа» бо ҷоиза ва дипломҳои Кумитаи иҷроияи Ҳизби Халқии Демократии Тоҷикистон дар шаҳри Ҳисор сарфароз гардонида шуданд.
Қисмати фарҳангии ҳамоиш бо барномаи рангини ҳунарӣ бо иштироки устодони санъат, ҳунармандони оркестри симфонӣ ва ансамбли эстрадии «Оркестри давлатии симфонӣ»-и Дастгоҳи иҷроияи Президенти Ҷумҳурии Тоҷикистон ва ҳунармандони шуъбаи фарҳанги шаҳри Ҳисор манзури хотири ҳозирин гардонида шуд.
АКС: Кумитаи иҷроияи Ҳизби Халқии Демократии Тоҷикистон дар шаҳри Ҳисор
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
