Дар боғчаи бачагонаи «Кайҳон»-и шаҳри Конибодом атраксионҳои нав ба истифода дода шуданд
ДУШАНБЕ, 28.03.2026. /АМИТ «Ховар»/. Дар рӯзҳои таҷлили Ҷашни байналмилалии Наврӯз кӯдакону наврасони шаҳри Конибодом соҳиби туҳфаи беҳтарин гардиданд. Дар боғчаи бачагонаи «Кайҳон» барои онҳо атраксионҳои нав ба истифода дода шуданд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Зимни ифтитоҳи иншоот Раиси вилояти Суғд Раҷаб Аҳмадзода иброз дошт, ки дар натиҷаи дастгириҳои пайвастаи Президенти мамлакат муҳтарам Эмомалӣ Раҳмон корҳои ободониву созандагӣ дар вилоят, аз ҷумла дар шаҳри Конибодом вусъат ёфта, барои фароҳам овардани шароити арзандаи зиндагӣ ба сокинон тадбирҳои муҳим андешида мешаванд.
Иттилоъ дода шуд, ки таҷдиду навсозии боғи марказӣ, ки имрӯз ба макони писандидаи истироҳати сокинони шаҳр табдил ёфтааст, аз ҷумлаи чунин иқдомҳо мебошад. Дар доираи марҳилаи дуввум дар ҳудуди боғ наздик ба 10 атраксиони муосир насб гардида, инчунин нуқтаҳои истироҳату фароғат, фурӯши хӯришҳо ва майдони баргузории чорабиниҳои фарҳангӣ ба фаъолият оғоз намуданд.
Ифтитоҳи марҳилаи дуввуми атраксионҳо имкониятҳои фароғатии марказро боз ҳам васеъ намуда, пеш аз ҳама боиси хушҳолии кӯдакон гардид.
Бояд гуфт, ки дар гузашта ин мавзеъ дар ҳолати номусоид қарор дошт. Ҳоло он ба як макони зебову замонавӣ табдил ёфта, сокинон метавонанд рӯзона ва шомгоҳон бо аҳли оила ва наздикону пайвандон дар он истироҳат намоянд.
АКС: Хадамоти матбуоти Раиси вилояти Суғд
БАРНОМАИ РУШДИ РОҲҲОИ ОБОДИ ДЕҲОТ. Дар доираи он ба маблағи 123,4 миллион сомонӣ роҳҳои мошингард таъмиру барқарор карда шуданд
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИ ДАВЛАТӢ ВА НАҚШИ ОН ДАР РУШДИ ЗАБОНИ ТОҶИКӢ. Мулоҳизаҳо дар ин маврид
Дар Душанбе 49 номгӯй адабиёти тозанашри кӯдакона рӯнамоӣ гардид
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ДАРКИ АМИҚИ МОҲИЯТИ ИСТИҚЛОЛИ СИЁСӢ. Он шарти муҳими таҳкими давлатдории миллӣ ва ҳифзи манфиатҳои давлату миллат аст
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
Бахшида ба ҷашни Истиқлолияти давлатӣ дар ноҳияи Ёвон ҳамоиши бошукуҳи адабӣ-фарҳангӣ доир гардид
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Имрӯз дар боғҳои пойтахт рӯзҳои фарҳанги вилояти Суғд ва ноҳияҳои Ванҷу Шуғнон баргузор мегарданд
Дар ноҳияи Ашт неругоҳи офтобӣ ба истифода дода мешавад
