Дар Донишгоҳи давлатии Бохтар бахшида ба Рӯзи Модар ҳамоиши тантанавӣ доир гардид
ДУШАНБЕ, 06.03.2026 /АМИТ «Ховар»/. Дар Донишгоҳи давлатии Бохтар ба номи Носири Хусрав ба муносибати Рӯзи Модар таҳти унвони «Модар – сароғози ҳастии башар» ҳамоиши тантанавӣ баргузор гардид. Дар ин хусус ба АМИТ «Ховар» аз ин донишгоҳ хабар доданд.
Дар ҳамоиш иштирокчиён нақши зан-модарро дар ташаккули ҷомеаи солим, тарбияи насли соҳибмаърифат ва таҳкими пояҳои давлатдорӣ муҳим арзёбӣ намуданд.
Иброз шуд, ки қадршиносии занону модарон ва фароҳам овардани шароити мусоиди фаъолият барои онҳо аз самтҳои афзалиятноки сиёсати иҷтимоии давлат маҳсуб мешавад.
«Модарон сарчашмаи ҷовидонаи ҳаёт ва офарандаи хушбахтӣ ва нуру зиёи зиндагӣ ҳастанд. Зан ҳамчун инсони фарҳангсозу тарбияткунанда агар аз воқеияти ҳаёт ва ҷомеа огоҳу бохабар бошад, фарзандон, аҳли оила ва пайвандони худро тарзе тарбия менамояд, ки онҳо баробари ҷомеаи пешрафта қадам мениҳанд», – баён гардид зимни ҳамоиш.
Гуфта шуд, ки имрӯз нақши занону духтарони тоҷик дар пешрафти тамоми соҳаҳо арзишманд аст. Аз ҷумла, дар Донишгоҳи давлатии Бохтар ба номи Носири Хусрав теъдоди зиёди занону духтарон ба ҳайси омӯзгор нозукиҳои касбро ба таҳсилкунандагон меомӯзанд. Дар ин баробар сафи занон дар вазифаҳои роҳбарикунанда сол ба сол меафзояд.
Дар охир як зумра омӯзгорону кормандони донишгоҳ барои фаъолияти самаранок ва саҳми арзанда дар таълиму тарбия бо Сипоснома ва туҳфаҳои хотиравӣ қадрдонӣ карда шуданд.
АКС: Донишгоҳи давлатии Бохтар ба номи Носири Хусрав
«ЗАН НАБОШАД, ЗЕБУ ЗИНАТ НЕСТ ДАР МАЪВОИ МО». Андешаҳо оид ба симои зан-модари тоҷик дар ашъори Мирзо Турсунзода
Дар Донишгоҳи байналмилалии сайёҳӣ ва соҳибкории Тоҷикистон Рӯзи Модар бошукуҳ таҷлил карда шуд
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Занон дар рушди иқтисодиёти Тоҷикистон саҳми назаррас доранд
«Шинохти мақому манзалати зан-модари тоҷик ин шинохти миллат аст», — бардошт аз ҳамоиш дар Кумитаи рушди маҳал
Ҷомеае, ки занони босавод, фаъол ва худшинос дорад, метавонад ба сӯи ояндаи равшан ва ободу осуда қадам гузорад
РӮЗИ МОДАР — ИСФАНДОРҶАШНИ НИЁГОН. Тоҷикон аз замонҳои қадим арзишҳои фарҳангиро ҳифз намуда, аз насл ба насл интиқол додаанд
МОДАР — АВВАЛИН УСТОД. Дар аллаи ӯ як ҷаҳон меҳру муҳаббат ва орзую ормон нуҳуфтааст
МАНЗАЛАТИ ЗАН ДАР ТОҶИКИСТОН БАЛАНД АСТ. Андешаҳо оид ба нақши занон дар таҳкими Истиқлолияти давлатӣ
МОДАР ВА ФАЛСАФАИ МЕҲР. Андешаҳои академик Фарҳод Раҳимӣ бахшида ба Рӯзи Модар
Модари ҷоизадори бозиҳои олимпӣ Темур Раҳимов: «Модарон барои тарбияи фарзандони хубу номбардори миллат заҳмати сангинро паси сар менамоянд»
Дар Тоҷикистон 71 фоизи кормандони соҳаи тибро занон ташкил медиҳанд
