Дар Донишгоҳи технологии Тоҷикистон Рӯзи Модар бошукуҳ таҷлил гардид
ДУШАНБЕ, 08.03.2026 /АМИТ «Ховар»/. Дар Донишгоҳи технологии Тоҷикистон Рӯзи Модар бо шукуҳу шаҳомати хосса доир гардида, дар он нақши бузурги модар дар ҷомеа, тарбияи насли наврас ва таҳкими арзишҳои маънавӣ муҳим арзёбӣ шуд, хабар доданд ба АМИТ «Ховар» аз ин донишгоҳ.
Гуфта шуд, ки дар Тоҷикистони соҳибистиқлол Рӯзи Модар ба фасли зебои баҳор рост омада, рамзи эҳтирому қадршиносии ҷомеа нисбат ба занону модарон ба ҳисоб меравад. Ҳамчунин аз суханони Президенти ҷумҳурӣ муҳтарам Эмомалӣ Раҳмон ёдоварӣ карда шуда, модар ҳамчун сарчашмаи меҳру муҳаббат ва чароғи хонадон арзёбӣ гардид.
Ректори донишгоҳ Зоир Раҳмонзода иброз дошт, ки замони истиқлол ва сиёсати хирадмандонаи Пешвои миллат муҳтарам Эмомалӣ Раҳмон барои иштироки фаъоли занону духтарон дар тамоми соҳаҳои ҳаёти иҷтимоию иқтисодӣ фазои басе мусоид фароҳам овард. Ва имкон дод, ки занони ҷумҳурӣ комёбиву дастовардҳояшонро боз ҳам афзун намуда, дар пешрафти ҷомеа, рушди илму маърифат ва тарбияи мутахассисони соҳибкасб саҳми арзанда гузоранд.
Дар идомаи чорабинӣ ба як зумра кормандону омӯзгорзанон, ки бо фаъолияти пурсамар ва меҳнати содиқона дар рушду пешрафти донишгоҳ саҳми назаррас доранд, Сипоснома ва Ифтихорнома супорида шуд.
АКС: Донишгоҳи технологии Тоҷикистон
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
