Дар Москва Ҷашни байналмилалии Наврӯз бо шукуҳу шаҳомати хос таҷлил карда шуд
ДУШАНБЕ, 30.03.2026 /АМИТ «Ховар»/. Дар шаҳри Москваи Федератсияи Русия бо ташаббуси Ташкилоти ҷамъиятии «Маркази фарҳангии тоҷикон» Ҷашни байналмилалии Наврӯз бо шукуҳу шаҳомати хос таҷлил гардид.
Тавре мухбири АМИТ «Ховар» иттилоъ медиҳад, чорабинии идона дар фазои тантанавӣ баргузор гардид. Нахуст меҳмонон бо намоиши дастархони идонаи наврӯзӣ, ки бо анвои гуногуни хӯрокҳои миллӣ, аз ҷумла суманак ва дигар шириниҳои суннатии тоҷикӣ ороста шуда буд, шинос шуданд.
Дар гӯшаҳои алоҳида намоиши ҳунарҳои мардумӣ, аз қабили гулдӯзӣ, чакандӯзӣ ва заргарӣ ташкил карда шуд, ки таваҷҷуҳи иштирокчиёнро ҷалб намуд.
Дар чорабинӣ иброз гардид, ки Наврӯз ҳамчун ҷашни умумимиллӣ ва байналмилалӣ рамзи эҳёи табиат, сулҳу дӯстӣ ва ҳамдигарфаҳмии халқҳо мебошад. Маҳз чунин чорабиниҳо ба таҳкими робитаҳои фарҳангӣ ва дӯстии байни миллатҳо мусоидат намуда, барои муаррифии фарҳанги бойи тоҷикон дар хориҷи ҷумҳурӣ нақши муҳим мебозанд.
Яке аз бахшҳои ҷолиби чорабинӣ намоиши либосҳои миллӣ буд, ки дар он духтарон бо либосҳои зебои атласу адрас ва чакан баромад намуда, зебоии фарҳанги тоҷиконро муаррифӣ карданд.
Барномаи рангини фарҳангӣ бо иҷрои сурудҳои ватандӯстонаю халқӣ ва рақсу таронаҳои ҷаззоб табъи иштирокчиёнро болида гардонид.
Таъкид гардид, ки таҷлили бошукуҳи Наврӯз дар хориҷи мамлакат нишонаи арҷгузорӣ ба мероси фарҳангии ниёгон ва далели равшани ваҳдату ҳамбастагии тоҷикон дар саросари ҷаҳон мебошад. Чунин иқдом минбаъд низ идома ёфта, дар таҳкими дӯстӣ ва ҳамкории фарҳангӣ байни халқҳо саҳми арзанда мегузорад.
АКС: АМИТ «Ховар»
Дар Фестивали байналмилалии гастрономӣ дар Беларус 20 намуди таоми миллии тоҷикон пешниҳод гардид
Сафири Тоҷикистон дар Арабистони Саудӣ бо роҳбарияти Созмони ҷаҳонии об мулоқот намуд
Сафири Тоҷикистон ба Вазири корҳои хориҷии Салтанати Умон нусхаи эътимоднома супорид
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе машваратҳои сиёсии вазоратҳои корҳои хориҷии Тоҷикистону Чин баргузор гардид
Ҳамкорӣ байни Тоҷикистон ва Кувайт дар соҳаҳои гуногун баррасӣ гардид
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
