Дар ноҳияи Ёвон ғолибони мусобиқаи байналмилалӣ аз рӯи гӯштини ҷудо қадрдонӣ карда шуданд
ДУШАНБЕ, 08.03.2026 /АМИТ «Ховар»/. Дар Мақомоти иҷроияи ҳокимияти давлатии ноҳияи Ёвон варзишгарони номдори ноҳия Сулаймон Латипов ва Муҳаммадҷон Раҳмонзода, ки дар мусобиқаи байналмилалӣ аз рӯи намуди гӯштини ҷудо дар шаҳри Бокуи Озорбойҷон натиҷаҳои назаррас ба даст оварданд, қадрдонӣ карда шуданд.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Ёвон хабар медиҳад, дар ин мусобиқаи сатҳи байналмилалӣ варзишгарони ноҳия бо маҳорати баланд ва иродаи қавӣ баромад намуда, шарафи варзиши тоҷикро ҳимоя карданд. Дар натиҷа Сулаймон Латипов зинаи якум ва Муҳаммадҷон Раҳмонзода зинаи сеюмро ишғол намуда, Парчами Тоҷикистонро дар арсаи байналмилалӣ парафшон сохтанд.
Раиси ноҳия Икромиддин Вализода зимни суҳбат бо варзишгарон иброз дошт, ки чунин пирӯзиҳо самараи сиёсати хирадмандона ва дастгириҳои пайвастаи давлату Ҳукумати Ҷумҳурии Тоҷикистон нисбат ба рушди соҳаи варзиш ва тарбияи ҷавонони солиму ватандӯст мебошад.
Раиси ноҳия варзишгарони ғолибро бо туҳфаҳои хотиравӣ ва сипосномаҳо қадрдонӣ намуда, ба онҳо дар мусобиқаҳои минбаъда барору комёбиҳо орзу намуд.
Таъкид гардид, ки дастоварди варзишгарони ноҳия боиси ифтихори сокинони ноҳия буда, барои ҷавонони дигар намунаи ибрат ва ҳавасмандӣ ба варзиш ва зиндагии солим мебошад.
АКС: Мақомоти иҷроияи ҳокимияти давлатии ноҳияи Ёвон
Бозиҳои Осиё дар иншооти пӯшида ва ҳунарҳои размӣ дар Арабистони Саудӣ баргузор мегарданд
БОЗИҲОИ 4-УМИ ОЛИМПИИ НАВРАСОН. Пойтахти Сенегал – шаҳри Дакар бозиҳоро мизбонӣ мекунад
ЧЕМПИОНАТИ ҶАҲОНИИ ҶУДО-2026. Боку мизбони мусобиқаи муҳими давраи нави олимпӣ мешавад
CAFA. Дастаи мунтахаби наврасони Тоҷикистон (U-16) тими Қирғизистонро мағлуб намуд
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
ЧЕМПИОНАТИ ОСИЁ ОИД БА БОКС. Миҷгона Самадова ва Некрӯз Салимов соҳиби медалҳои биринҷӣ шуданд
Ғолибони шоҳҷоизаҳои мусобиқаи гӯштини миллии ноҳияи Панҷ муайян гардиданд
Дар шаҳри Анталияи Туркия Форуми 8-уми Этноспорт баргузор гардид
«ҶОМИ РАИСИ ШАҲРИ ДУШАНБЕ». Дар пойтахт Мусобиқаи байналмилалӣ оид ба гӯштингирӣ баргузор гардид
Паралимпичиёни тоҷик бо дастовардҳои бузурги варзишӣ ба Ватан баргаштанд
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
