«ЗАН-МАЗҲАРИ ПОКИЗАГӢ». Аз 1 март то 31 май иқдоми ҷумҳуриявии ободкорию тозакорӣ баргузор мегардад
ДУШАНБЕ, 01.03.2026 /АМИТ «Ховар»/. Ҳамасола дар Тоҷикистон бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон аз 1 март то 31 май таҳти унвони «Зан — мазҳари покизагӣ» иқдоми ҷумҳуриявӣ баргузор мегардад, ки дар доираи он тибқи нақша занону духтарон ба корҳои тозакунии кӯчаю маҳаллаҳо, ободонӣ ва нигоҳдории муҳити зист ҷалб карда мешаванд.
Тавре аз Кумитаи кор бо занон ва оила ба АМИТ «Ховар» хабар доданд, ин иқдом соли равон бо мақсади сазовор пешвоз гирифтани 35-солагии Истиқлолияти давлатии Ҷумҳурии Тоҷикистон ва эълон гардидани Соли вусъат додани корҳои ободониву созандагӣ ва тақвияту таҳкими худшиносию худогоҳии миллӣ (2026) ба роҳ монда шуд.
Ҳадафи ин иқдом таҳкими ҳисси масъулияти шаҳрвандӣ, баланд бардоштани фарҳанги ободонӣ, саҳмгузории фаъолонаи занону духтарон дар тозаю озода нигоҳ доштани кӯчаю маҳаллаҳо ва муҳити зист мебошад.
Дар доираи ин ташаббус дар тамоми шаҳру ноҳияҳо бо иштироки занон шанбегиҳои оммавӣ ташкил гардида, корҳои тозакунии роҳу гулгаштҳо, сафедкунии дарахтон, шинонидани гулу буттаҳо, ба тартиб даровардани атрофи муассисаҳои таълимӣ ва тандурустӣ амалӣ карда мешаванд.
Бояд гуфт, ки занону духтарон ҳамчун тарғибгарони асосии фарҳанги покизагӣ ва ободонӣ метавонанд дар таҳкими арзишҳои миллӣ, зебо нигоҳ доштани маҳалли зист ва ташаккули муҳити солиму созанда саҳми арзанда гузоранд. Маҳз бо ҳамин мақсад иқдоми «Зан — мазҳари покизагӣ» аз соли 2018 инҷониб баргузор гардида, ба яке аз анъанаҳои муҳими иҷтимоӣ табдил ёфтааст.
Иштироки фаъолонаи занон дар иқдоми ҷамъиятӣ, аз ҷумла дар доираи ташаббусҳои экологӣ ва маъракаҳои ободонӣ ба баланд бардоштани маърифати экологии аҳолӣ мусоидат менамояд. Онҳо метавонанд ҳамчун намунаи ибрат сокинонро ба корҳои созандагӣ ҷалб созанд.
Дар маҷмуъ, саҳми занон дар тозагии кӯчаю маҳал на танҳо амали одии тозакунӣ, балки рисолати иҷтимоӣ ва ахлоқии зан– модари тоҷик мебошад.
Баргузории чунин ташаббусҳо дар соли таҷлили 35-солагии Истиқлолияти давлатӣ аҳаммияти хосса дошта, барои боз ҳам зебову обод гардидани Тоҷикистони соҳибистиқлол заминаи мусоид фароҳам меорад.
Моҳинави НАВРӮЗ,
АМИТ «Ховар»
АКС аз манбаъҳои боз
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
