Бахшида ба Рӯзи илм дар Бадахшон ҳамоиши ҷумҳуриявӣ баргузор шуд
ДУШАНБЕ, 10.04.2026. /АМИТ «Ховар»/. Бахшида ба Рӯзи илм дар Вилояти Мухтори Кӯҳистони Бадахшон таҳти унвони «Иқтидори зеҳнии минтақаҳои баландкӯҳ: илм, ҷомеа ва моделҳои рушди устувор» ҳамоиши ҷумҳуриявӣ баргузор шуд.
Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, чорабинӣ аз чониби Институти илмҳои гуманитарии ба номи академик Баҳодур Искандаров, Институти биологии Помири ба номи академик Худоёр Юсуфбекови академия дар ҳамкорӣ бо Мақомоти иҷроияи ҳокимияти давлатии Вилояти Мухтори Кӯҳистони Бадахшон ташкил карда шуд.
Директори Институти илмҳои гуманитарӣ Ҳоким Қаландариён иброз намуд, ки Рӯзи илм бо як рӯз ҷамъбаст намешавад, балки он барои ниҳодҳои илмӣ оғози ҷашне аст, ки 365 рӯзи гузаштаро баррасӣ менамояд ва барои 365 рӯзи оянда барномарезӣ мекунад. Ҳамоҳангсозии таҳқиқоти назариявӣ ва татбиқи онҳо дар амалияи сиёсати иҷтимоӣ ва фарҳангӣ барои ташаккули тафаккури миллӣ муҳим мебошад.
Раиси Вилояти Мухтори Кӯҳистони Бадахшон Алишер Мирзонабот бо истинод ба сиёсати маорифпарваронаи Президенти ҷумҳурӣ муҳтарам Эмомалӣ Раҳмон нақши дастгирии ташаббусҳои илмӣ, рушди неруи зеҳнӣ ва татбиқи барномаҳои давлатиро дар минтақаҳои кӯҳӣ махсус иброз намуд.
Олимони ҷумҳурӣ дар мавзуъҳои «Нақд ва адабиётшиносӣ дар даврони соҳибистиқлолӣ», «Таҳқиқи таърихи Тоҷикистон дар даврони соҳибистиқлолӣ», «Асосҳои генографии таърих ва тамаддуни халқи тоҷик» ва ғайра маърузаҳои пурмуҳтаво намуданд. Маърузаҳо бо фарогирии ҷанбаҳои мухталифи илм- аз иқтисоду биология то таъриху адабиётшиносӣ нишон доданд, ки иқтидори зеҳнии минтақаҳои баландкӯҳ захираи бузурги стратегӣ барои рушди устувори Ҷумҳурии Тоҷикистон маҳсуб мешавад.
Дар чорабинӣ нақши озмунҳои ҷумҳуриявӣ, бахусус «Фурӯғи субҳи доноӣ китоб аст» дар тарбияи маънавии насли наврас баланд арзёбӣ гардид. Таъкид гардид, ки китобхонӣ на танҳо раванди касби дониш, балки воситаи асосии ташаккули тафаккури интиқодӣ ва ахлоқи ҳамида мебошад.
Иброз гардид, ки ҳамоиш дар рушди таҳқиқоти илмӣ ва ҳифзи мероси маънавию фарҳангии миллӣ нақши муассир мегузорад.
АКС: Академияи миллии илмҳои Тоҷикистон
Дар Душанбе густариши ҳамкории байналмилалӣ дар самти амнияти биологӣ баррасӣ шуд
Конфронси IV байналмилалии илмӣ-амалии «Вазъи кунунӣ ва дурнамои рушди энергетикаи барқароршаванда» баргузор шуд
Дар ноҳияи Данғара оид ба саҳми бузурги Ибни Сино ҳамоиш баргузор шуд
Дар Душанбе масоили таҳкими низоми миллии амнияти ҳастаӣ баррасӣ гардид
СУЛҲ НЕЪМАТЕСТ, КИ ТАМОМИ МИЛЛАТҲОВУ ДАВЛАТҲО БА ОН НИЁЗ ДОРАНД. Мулоҳизаҳои академик Қобилҷон Хушвахтзода дар ин мавзуъ
ТАЪТИЛИ ТОБИСТОНА. Китобхонаҳо ва марказҳои омӯзишӣ барои рушди зеҳнии хонандагон чӣ имконият фароҳам меоранд?
Дар Душанбе татбиқи технологияҳои муосир бо ширкати Чин баррасӣ шуд
Дар Академияи миллии илмҳои Тоҷикистон бахшида ба Рӯзи Ваҳдати миллӣ ҳамоиши илмӣ-назариявӣ баргузор шуд
ҲУВИЯТИ МИЛЛӢ – ТАҲКИМБАХШИ ВАҲДАТИ МИЛЛӢ. Назари коршинос дар ин мавзуъ
Дар Институти иқтисодиёт ва демография қабули Даҳсолаи байналмилалии таҳкими сулҳро иқдоми беназир дар ҷаҳон арзёбӣ намуданд
Дар Маркази минтақавии амнияти химиявӣ, биологӣ, радиатсионӣ ва ядроӣ давраи байналмилалии омӯзишӣ идома дорад
Дар Агентии амнияти химиявӣ, биологӣ, радиатсионӣ ва ядроӣ озмоишгоҳи муайянкунии молҳои таъиноташон дуҳадафа мавриди истифода қарор дода шуд
