Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
ДУШАНБЕ, 03.04.2026 /АМИТ «Ховар»/. Дар шаҳри Қазон ҷаласаи 68-уми Шурои электроэнергетикии кишварҳои аъзои Иттиҳоди Давлатҳои Мустақил баргузор гардид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Ҷаласа дар ҳошияи Форуми байналмилалии электроэнергетикии Қазон – «ЭНЕРГОПРОМ» баргузор гардид.
Вазири энергетика ва захираҳои оби Ҷумҳурии Тоҷикистон Далер Ҷумъа иброз дошт, ки дар айни замон минтақаи Осиёи Марказӣ дар марҳилаи нави рушд қарор дорад ва ин тақозо мекунад, ки механизмҳои нави самараноки ҳамкории минтақавӣ ва банақшагирӣ ҷорӣ карда шаванд. Хеле муҳим аст, ки барои бахши энергетика муҳити пешгӯишаванда, бахусус дар масъалаҳои содирот, воридоти неруи барқ ва танзими иқтидори низомҳои энергетикӣ фароҳам оварда шавад.
Вазир ба ҳамкории кишварҳои Осиёи Марказӣ ишора намуда, иброз дошт, ки барои баланд бардоштани эътимоднокии низоми энергетикии минтақа дар айни замон лоиҳаи азнавпайвастшавии низоми энергетикии Тоҷикистон ба низоми ягонаи энергетикии Осиёи Марказӣ амалӣ мешавад.
Ҳамзамон мавриди истифода қарор гирифтани қисмати тоҷикистонӣ ва қирғизистонии Лоиҳаи минтақавии интиқоли неруи барқи «CASA-1000» таъкид гардид.
«Ҷумҳурии Тоҷикистон барои истифодаи самараноки иқтидори бузурги гидроэнергетикӣ аз тамоми имконият истифода менамояд ва дар айни замон сохтмони Неругоҳи барқи обии «Роғун» бо иқтидори 3780 МВт идома дорад», – илова намуд Далер Ҷумъа.
Дар идомаи ҷаласа маърузаи раиси Кумитаи иҷроияи Шурои электроэнергетикии Иттиҳоди Давлатҳои Мустақил «Дар бораи рушди ҳамкории соҳавӣ бо кишварҳои Созмони ҳамкории Шанхай» шунида шуд. Зимнан ҷараёни мувофиқасозии лоиҳаи «Стратегияи рушди комплекси сӯзишворӣ-энергетикии кишварҳои иштирокдори ИДМ барои то соли 2035 (дурнамо барои соли 2050)» баррасӣ гардид.
АКС: Вазорати энергетика ва захираҳои оби Ҷумҳурии Тоҷикистон
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
