Дар Данғара Фестивал-намоишгоҳи байналмилалии донишгоҳҳои давлатҳои хориҷӣ доир шуд
ДУШАНБЕ, 09.04.2026. /АМИТ «Ховар»/. 8 апрел дар ноҳияи Данғара Фестивал-намоишгоҳи сеюми байналмилалии донишгоҳҳои давлатҳои хориҷӣ дар Ҷумҳурии Тоҷикистон баргузор гардид.
Тавре ба АМИТ «Ховар» аз Мақомоти иҷроияи ҳокимияти давлатии ноҳияи Данғара хабар доданд, дар фестивал-намоишгоҳ намояндагони беш аз 60 донишгоҳу донишкада аз 13 давлати хориҷӣ иштирок намуданд.
Иброз гардид, ки фестивал бо мақсади муаррифии имконоти таҳсил дар муассисаҳои олии хориҷӣ, роҳнамоии ҷавонон барои интихоби дурусти касб ва густариши ҳамкории байналмилалӣ дар соҳаи маориф ташкил карда шуд. Зимни намоишгоҳ иштирокчиён бо барномаҳои таълимӣ, ихтисосҳо, шароити қабул ва имконияти таҳсил дар хориҷ аз наздик шинос гардиданд.
Намояндагони донишгоҳҳо ба меҳмонон ва довталабон маълумот пешниҳод намуда, ба саволҳои онҳо посух доданд. Инчунин барои ҷавонон имконият фароҳам оварда шуд, ки мустақиман бо намояндагони муассисаҳои таълимӣ суҳбат намуда, дар бораи таҳсил, бурсияҳо ва шароити зиндагӣ дар давлатҳои хориҷӣ маълумот гиранд.
Фестивал дар фазои дӯстона ва созанда баргузор гардида, барои баланд бардоштани сатҳи маърифати ҷавонон ва рушди робитаҳои байналмилалӣ саҳми назаррас мегузорад.
Ёдовар мешавем, ки Фестивал-намоишгоҳи сеюми байналмилалии донишгоҳҳои давлатҳои хориҷӣ дар Ҷумҳурии Тоҷикистон аз 6 то 10 апрел дар шаҳрҳои Душанбе, Хуҷанд ва ноҳияи Данғара баргузор мегардад. Он ба рушди ҳамкории байналмилалӣ, ҷалби ҷавонон ба таҳсили босифат ва таҳкими робитаҳои илмӣ мусоидат менамояд.
АКС: Мақомоти иҷроияи ҳокимияти давлатии ноҳияи Данғара
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
КВОТАИ ПРЕЗИДЕНТӢ БАРОИ СОЛИ ТАҲСИЛИ 2026-2027. Зиёда аз 6 ҳазор довталаб барои дарёфти он дар даври сеюми озмун иштирок мекунанд
Дар ноҳияи Бобоҷон Ғафуров муассисаи томактабӣ бунёд карда мешавад
ТАЪТИЛ ФАРО МЕРАСАД! Барои самаранок гузаронидани давраи таътили фарзандон омода мешавем
ҲАМГИРОИИ ИҶТИМОИЮ ИҚТИСОДИИ ТОҶИКИСТОН ВА ЧИН ДАР МАРҲАЛАИ НАВИ ШАРИКИИ СТРАТЕГӢ. Андешаҳо оид ба сафари давлатии Президенти Тоҷикистон ба Ҷумҳурии Мардумии Чин
Дар Донишгоҳи технологии Тоҷикистон ба муносибати Рӯзи ҷавонони Тоҷикистон ҳамоиш баргузор шуд
Дар Донишгоҳи технологии Тоҷикистон намоиши маҳсулот ва ҷойи холии кор баргузор шуд
«ТОҶИ САРИ ҶУМЛА ҲУНАРҲОСТ ИЛМ». Дар Душанбе байни хонандагони муассисаҳои таҳсилоти миёнаи умумӣ озмуни шаҳрӣ оғоз шуд
Бахшида ба Рӯзи ҷаҳонии футбол дар Донишгоҳи давлатии ҳуқуқ, бизнес ва сиёсати Тоҷикистон мусобиқаи футбол доир гардид
Донишҷӯи Донишгоҳи байналмилалии забонҳои хориҷии Тоҷикистон дар Озмуни байналмилалии «Пули чинӣ» соҳиби ҷойи якум шуд
Тоҷикистон ва Чин дар соҳаи зеҳни сунъӣ Ёддошти тафоҳум имзо намуданд
