Дар Хуҷанд ғолибони даври шаҳрии озмуни «Омӯзгори сол» дарсҳои намунавӣ пешниҳод намуданд
ДУШАНБЕ, 06.04.2026. /АМИТ «Ховар»/. Дар шаҳри Хуҷанд дар даври якуми озмуни «Омӯзгори сол» 36 нафар омӯзгорони муассисаҳои таълимӣ иштирок намуданд, ки 19 нафарашон ба даври дуюм роҳ ёфтанд.
Тавре ба АМИТ «Ховар» аз Мақомоти иҷроияи ҳокимияти давлатии шаҳри Хуҷанд хабар доданд, омӯзгороне, ки ба даври дуюм гузаштанд, дар Муассисаи таҳсилоти миёнаи умумии №18 дарсҳои намунавӣ пешниҳод намуданд.
Дар мушоҳидаи дарсҳои намунавӣ мудири маорифи шаҳри Хуҷанд Мадина Салимзода ва ҳайати доварон иштирок намуда, ба сатҳу сифати дарсҳо баҳои арзанда доданд.
Бояд гуфт, ки дар ин марҳила ҳар иштирокчӣ кӯшиш менамояд, ки донишу малака ва усулҳои муосири таълимиро ба таври шоиста муаррифӣ кунад.
Омӯзгороне, ки дорои дониши амиқ, маҳорати баланд ва усулҳои самараноки таълим мебошанд, ба даври ниҳоии озмун роҳ меёбанд.
Ёдовар мешавем, ки озмуни «Омӯзгори сол» яке аз чорабиниҳои муҳими соҳаи маориф буда, бо мақсади баланд бардоштани мақоми омӯзгор, такмили маҳорати касбӣ ва дарёфти омӯзгорони болаёқат баргузор мегардад.
Ин озмун дар партави сиёсати маорифпарваронаи Пешвои миллат муҳтарам Эмомалӣ Раҳмон гузаронида шуда, ба рушди соҳаи маорифи мамлакат мусоидат мекунад.
АКС: Мақомоти иҷроияи ҳокимияти давлатии шаҳри Хуҷанд
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
