Дар ноҳияи Бобоҷон Ғафуров соҳаи саноат рушд меёбад
ДУШАНБЕ, 05.04.2026 /АМИТ «Ховар»/. Дар доираи татбиқи яке аз ҳадафҳои стратегии Ҳукумати мамлакат –саноатикунонии босуръати Тоҷикистон дар ноҳияи Бобоҷон Ғафуров барои рушди соҳаи саноат, истифодаи самараноки иқтидори мавҷуда, бунёди корхонаҳои хурду бузург ва зиёд намудани ҳаҷми истеҳсоли маҳсулоти саноатӣ тадбирҳои муҳим амалӣ мешаванд.
Тавре ба АМИТ «Ховар» аз Мақомоти иҷроияи ҳокимияти давлатии ноҳияи Бобоҷон Ғафуров иттилоъ доданд, дар ноҳия коргоҳи истеҳсоли равғани растании Ҷамъияти дорои масъулияти маҳдуди «Ирода-инвест» таъсис дода шудааст. Иқтидори истеҳсолии он дар як шабонарӯз то 200 тонна буда, дар он равған аз донаи офтобпараст, чигит ва дигар зироати равғандеҳ бо истифода аз таҷҳизоти муосир истеҳсол ва дар маҳал банду баст карда мешавад.
Ҳамчунин дар ноҳия барои коркарди гандум ва истеҳсоли орд барои макарон лоиҳаҳои нав амалӣ мегарданд. Ин таҷриба дар миқёси ҷумҳурӣ нахустин маротиба татбиқ гардида, ба зиёд намудани истеҳсоли маҳсулоти макарон мусоидат мекунад.
Ба иттилои масъулин, корхонаи нав қобилияти коркарди то 600 тонна гандумро дар як шабонарӯз ва беш аз 200 ҳазор тоннаро дар як сол дорад.
Дар ноҳияи Бобоҷон Ғафуров сохтмони корхонаи нави Ҷамъияти дорои масъулияти маҳдуди «Орди Фатир» идома дорад. Корхона дар як шабонарӯз имкон дорад, ки то 1000 тонна гандумро коркард намояд. Таҷҳизоти истеҳсолӣ аз давлатҳои пешрафта ворид гардида, баъди ба фаъолият оғоз намудан садҳо ҷойи нави кор таъсис дода мешавад. Дар айни замон корҳои сохтмонӣ дар иншоот 70 фоиз анҷом ёфта, дар назар аст, ки корхона то ҷашни 35-солагии Истиқлоли давлатӣ ба истифода дода шавад.
Ҳамчунин дар шаҳраки Ғафуров бо саҳми Ҷамъияти дорои масъулияти маҳдуди «Зартахта» боз як корхонаи нави саноатӣ бунёд мегардад. Корхона бо мақсади таъмини бозори дохилӣ бо масолеҳи сохтмонӣ дар 5 ҳазор метри мураббаъ сохта шуда, бо таҷҳизоти муосири аз Ҷумҳурии Мардумии Чин воридшуда муҷаҳҳаз мегардад. Дар он истеҳсоли плитаҳои сементӣ-нахӣ ба роҳ монда шуда, иқтидори шабонарӯзии он 2–2,5 ҳазор метри мураббаъро ташкил медиҳад.
АКС: Мақомоти иҷроияи ҳокимияти давлатии ноҳияи Бобоҷон Ғафуров
Дар ноҳияи Деваштич иншооти гуногуни иҷтимоӣ ба истифода дода шуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
Гардиши савдои хориҷии Тоҷикистон беш аз 35 фоиз афзоиш ёфтааст
Одил Дониш хостори тақвияти ҳамкорӣ бо Тоҷикистон гардидааст
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Дар Душанбе ҷалби сармояи мустақими Саудӣ ба иқтисодиёти Тоҷикистон баррасӣ гардид
