Дар Тоҷикистон «Ҳафтаи саломатӣ ва ҳуқуқи инсон» баргузор мегардад
ДУШАНБЕ, 05.04.2026 /АМИТ «Ховар»/. Бо дастгирии Ҳукумати Ҷумҳурии Тоҷикистон аз 6 то 10 апрел дар саросари мамлакат чорабнии ҷумҳуриявии «Ҳафтаи саломатӣ ва ҳуқуқи инсон дар Тоҷикистон» ва Рӯзи умумиҷаҳонии саломатӣ таҳти унвони «Якҷоя ба сӯи саломатӣ. Якҷоя ба сӯи илм» баргузор мегардад.
Тавре ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, чорабинии марказӣ 6 апрел соати 8:00 дар Муассисаи давлатии «Пажӯҳишгоҳи гастроэнтерологии Ҷумҳурии Тоҷикистон» оғоз гардида, дар доираи он шаҳрвандон аз ҷониби мутахассисон ва сармутахассисони соҳавӣ бо истифода аз таҷҳизоти муосир ба ташхис, муоина ва машварати ройгон фаро гирифта мешаванд.
Дар муассисаҳои табобатию пешгирии шаҳри Душанбе, вилоятҳои Суғду Хатлон ва шаҳру ноҳияҳои тобеи ҷумҳурӣ аксияи мазкур 7 апрел аз соати 8:00 оғоз мегардад. Дар муассисаҳои тандурустии Вилояти Мухтори Кӯҳистони Бадахшон бошад, чорабинӣ 8 апрел соати 8:00 баргузор хоҳад шуд.
Дар ин робита, шаҳрвандони мамлакат даъват карда мешаванд, ки дар рӯзҳои муайяншуда ба муассисаҳои тандурустии маҳалли зисти худ муроҷиат намуда, аз хизматрасониҳои тиббии ройгон истифода баранд.
Ёдовар мешавем, ки дар доираи чорабинии ҷумҳуриявӣ то 10 апрел баргузории семинару машваратҳо ва дигар чорабиниҳои солимгардонӣ низ дар назар аст.
АКС: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
