Иқтидори сайёҳии Тоҷикистон дар намоишгоҳи байналмилалии сайёҳӣ дар Минск муаррифӣ гардид
ДУШАНБЕ, 13.04.2026. /АМИТ «Ховар»/. Аз 9 то 11 апрел дар шаҳри Минск Намоишгоҳи 28-уми байналмилалии хизматрасониҳои сайёҳӣ «ОТДЫХ-2026» баргузор гардид, ки дар он иқтидори сайёҳии Ҷумҳурии Тоҷикистон муаррифӣ гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Беларус хабар доданд.
Дар намоишгоҳ Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода ва кормандони дипломатӣ иштирок намуданд.
Дар намоишгоҳ намояндаи Тоҷикистон дар бораи иқтидори соҳаи сайёҳии мамлакат, мероси ғании таърихию фарҳангӣ, манзараҳои гуногуни табиати нотакрор, обҳои мусаффо, сиёсати давлатӣ дар самти рушди соҳаи гардишгарӣ, ислоҳоти давлатӣ дар бораи осон намудани рафту омади шаҳрвандони хориҷӣ ба Тоҷикистон, инчунин ташкили фазои мусоиди сармоягузорӣ барои ширкатҳои сайёҳии дохилию хориҷӣ, сиёсати фазои кушод ва рейтинги байналмилалии мамлакат рӯнамои ҷолиб ва навори видеоиро намоиш дод.
Дар доираи ҳафтаи сайёҳӣ Форуми байналмилалии «Travel Hub»-и кишварҳои аъзои Иттиҳоди Давлатҳои Мустақил баргузор шуд.
Ҳамоиш бузургтарин намоишгоҳи сайёҳии Беларус дар бахши гардишгарӣ ва сайёҳат маҳсуб мешавад. Чорабинии мазкур абзори тиҷорати байналмилалӣ барои кишварҳо, минтақаҳо ва ширкатҳои сайёҳӣ, мақомоти соҳавӣ, меҳмонхонаҳо, маҷмааи дармонгоҳҳо мебошад, ки маҳсулот ва хизматрасониҳоро ба бозори Беларус пешниҳод менамояд. Дар кишвари иқомат имсол бори нахуст аст, ки намоишгоҳ дар Маркази намоишгоҳи байналмилалии «BELEXPO» доир мегардад.
АКС: Сафорати Ҷумҳурии Тоҷикистон дар Ҷумҳурии Беларус
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
