Муҳаммадин, Шодмон, Фарҳод ва Шакармамад соҳиби шоҳҷоизаҳои мусобиқаи гӯштини миллии ноҳияи Рашт гардиданд
ДУШАНБЕ, 15.04.2026 /АМИТ «Ховар»/. Бахшида ба ҷашни Наврӯзи байналмилалӣ 14 апрел бо ташаббуси Мақомоти иҷроияи ҳокимияти давлатии ноҳияи Рашт Мусобиқаи ҷумҳуриявии гӯштини миллӣ (гӯштингирӣ) бо иштироки беш аз 30 ҳазор мухлис ва ҳаводорони ин варзиши тоҷик баргузор гардид. Дар мусобиқа паҳлавонон аз Тоҷикистон, Узбекистон ва Русия бо ҳам рақобат намуданд.
Паҳлавонони тоҷик Шакармаммад Мирмамадов, Шодмон Ризоев, Парвиз Абдураҳмонов, Хуршед Маҷидов, Фирдавс Насимов, Ғазалшои Давлатшо, Абубакри Акобир, Дадахон Қурбоналиев, Фарҳод Раҳматуллобеков, Ҳақназар Назаров, Муҳаммадӣ Лоиқзода, Субҳиддин Халилзода, Абдуллои Лоиқ, Зафар Олимшоев, Наврӯзи Каримзод, Ёсин Бобокалонов, Илҳомиддин Ҷабборов ва дигарон нисбат ба ҳарифонашон ҳунар ва маҳорати арзанда нишон дода, сазовори ҷоизаҳои олӣ гардиданд.
Аз ҷониби ташкилкунандагони мусобиқа барои ғолибон туҳфаҳои гуногун, аз қабили маблағҳои пулӣ ва 4 мошин ҳамчун Шоҳҷоиза гузошта шуд.
Як мошинро паҳлавони ҷавон аз ноҳияи Рашт Муҳаммадӣ Лоиқзода пас аз ғолиб омадан бар паҳлавони номдор аз ноҳияи Ванҷ Илҳомиддин Ҷабборов соҳиб гардид.
Шоҳҷоизаи дуюмро Шодмон Ризоев аз шаҳри Кӯлоб пас аз ғолиб омадан бар чаҳор ҳарифаш соҳиб шуд.
Инчунин Шоҳҷоизаи сеюм байни ду паҳлавони дигар — Фарҳод Раҳматуллобеков аз Ҷумҳурии Тоҷикистон ва Кектаев аз Русия гузошта шуд. Баъди рақобатҳои ҷолиб Фарҳод Раҳматуллобеков соҳиби Шоҳҷоиза – мошини электромобил гардид.
Шоҳҷоизаи чорум байни ду паҳлавони шинохта — Шакармамад Мирмамадов аз Ҷумҳурии Тоҷикистон ва Зоҳид Ҳусайнов аз Ҷумҳурии Узбекистон гузошта шуд. Дар ин сабқати ҷолиб Шакармамад Мирмамадов бар ҳарифаш ғолиб омада, Шоҳҷоизаро соҳиб гардид.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дар Панҷакент иншооти иҷтимоӣ ва хизматрасонӣ ифтитоҳ гардиданд
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар вилояти Суғд ғолибони мусобиқаи вилоятӣ муайян гардиданд
