Роҳбарияти Бонки миллии Тоҷикистон дар Вашингтон дар Форуми баландпоя оид ба идоракунии дороиҳо ва захираҳои байналмилалӣ иштирок намуд
ДУШАНБЕ, 22.04.2026 /АМИТ «Ховар»/. Масъалаҳои муҳимми вобаста ба дурнамои рушди макроиқтисодӣ дар шароити номуайяниҳои бозорҳои ҷаҳонӣ дар Форуми баландпоя оид ба идоракунии дороиҳо ва захираҳои байналмилалӣ, ки 20–21 апрел дар Вашингтон баргузор гардид, баррасӣ шуданд, иттилоъ медиҳад АМИТ «Ховар» бо истинод ба Бонки миллии Тоҷикистон.
Дар форум муовини якуми раиси Бонки миллии Тоҷикистон Фируз Шарифзода итирок намуд. Форум дар доираи Барномаи шарикии машваратӣ ва идоракунии захираҳои байналмилалӣ (RAMP)-и Гурӯҳи Бонки ҷаҳонӣ ташкил гардида, ҳамасола намояндагони сатҳи баланди бонкҳои марказӣ, фондҳои давлатӣ, ташкилоти байналмилалии молиявӣ ва дигар ниҳодҳои дахлдорро ҷамъ меорад.
Дар форум масъалаҳои муҳимми вобаста ба идоракунии дороиҳои давлатӣ дар вазъи буҳронӣ, тақсимоти стратегии дороиҳо, арзёбии хавфҳои эҳтимолӣ, инчунин татбиқи технологияҳои рақамӣ дар идоракунии захираҳои байналмилалӣ мавриди баррасӣ қарор дода шуданд.
Форуми мазкур платформаи муҳим барои мубодилаи таҷриба, баррасии тамоюлҳои нави бозор ва густариши ҳамкории байналмилалӣ дар самти идоракунии самараноки дороиҳо ва захираҳои байналмилалӣ арзёбӣ мегардад.
Иштироки роҳбарияти Бонки миллии Тоҷикистон дар чунин ҳамоишҳои сатҳи баланд ба омӯзиши таҷрибаи пешқадами байналмилалӣ ва такмили равандҳои идоракунии захираҳои байналмилалии ҷумҳурӣ мусоидат намуда, барои таҳкими ҳамкории минбаъда бо шарикони байналмилалӣ заминаи мусоид фароҳам меорад.
АКС: Бонки миллии Тоҷикистон
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
