«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
ДУШАНБЕ, 02.04.2026 /АМИТ «Ховар»/. Дар ноҳияи Карминаи вилояти Навоии Ҷумҳурии Узбекистон Мусобиқаи байналмилалии пойгаи мотосиклронии «Роҳи абрешим – 2026» баргузор гардид.
Тавре ба АМИТ «Ховар» аз Вазорати мудофиаи Ҷумҳурии Тоҷикистон хабар доданд, дар мусобиқа дастаҳо аз Тоҷикистон, Қазоқистон, Узбекистон, Қирғизистон, Федератсияи Русия, Беларус ва Ҷумҳурии Мардумии Чин иштирок намуданд.
Дар мусобиқаи байналмилалии пойгаи мотосиклронӣ ҳайати дастаи мунтахаби мотосиклчиёни Вазорати мудофиаи Тоҷикистон иштирок намуда, Қурбонмурод Ҷураев мақоми якум ва Анвар Бурҳонов ҷойи сеюмро ишғол намуд.
Масъулини Вазорати мудофиаи Тоҷикистон иброз доштанд, ки бо мақсади боз ҳам беҳтар рушд додани ин намуди варзиш дар Муасиссаи давлатии «Мададгори мудофиа»–и вазорат нақшаи баргузории машқу тамринҳои мотосиклронӣ барои варзишгарон тасдиқ гардидааст.
Мушоҳидаҳо нишон медиҳанд, ки сафи варзишгарони умедбахш ва муваффақ аз намуди варзиши мотосиклронӣ солҳои охир бештар мегардад. Онҳо дар мусобиқаҳои сатҳи байналмилалӣ маҳорати баланди варзишӣ нишон дода, номи Тоҷикистон ва парчами мамлакатро бо ифтихори бузург баланд мебардоранд.
АКС: Вазорати мудофиаи Ҷумҳурии Тоҷикистон
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
