Сафири Тоҷикистон дар Олмон бо Президенти Ландтаги Саксония-Анҳалт мулоқот намуд
ДУШАНБЕ, 23.04.2026. /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Федеративии Олмон Имомудин Сатторов бо Президенти Ландтаги музофоти Саксония-Анҳалт Гуннар Шелленбергер мулоқот намуд.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Федеративии Олмон хабар доданд, дар меҳвари мулоқот масъалаҳои ҳамкории Ҷумҳурии Тоҷикистон бо музофоти федеролии Саксония-Анҳалт қарор доштанд.
Зимни мулоқот ҷонибҳо ба рушди ҳамкории иқтисодӣ, бахусус дар соҳаи саноати кӯҳкорӣ таваҷҷуҳ зоҳир намуда, имконияти тавсеаи ҳамкориро дар ин самт баррасӣ карданд.
Инчунин Сафири Тоҷикистон бо фаъолияти корхонаи «AECI Mining Chemicals» (Schirm GmbH), воқеъ дар шаҳри Шёнебек шинос шуд.
Дар ҷараёни боздид ҷонибҳо бо фаъолияти истеҳсолӣ, иқтидори техникӣ ва самтҳои асосии фаъолияти корхона аз наздик шинос шуданд.
«AECI Mining Chemicals» ширкати байналмилалӣ дар соҳаи истеҳсоли маводи кимиёвии махсус буда, фаъолияти он асосан ба таъмини соҳаи кӯҳкорӣ бо маҳсулот ва технологияҳои дахлдор равона гардидааст. Ширкат реагентҳои металлургӣ, эмулгаторҳо ва дигар маводи кимиёвиро барои коркарди маъдан истеҳсол менамояд. Он бахше аз гурӯҳи «AECI» мебошад, ки соли 1894 таъсис ёфта, имрӯз тақрибан 8 000 корманд дорад ва дар зиёда аз 20 кишвар фаъолият менамояд.
АКС: Сафорати Ҷумҳурии Тоҷикистон дар Ҷумҳурии Федеративии Олмон
КОНФРОНСИ ЧОРУМИ БАЙНАЛМИЛАЛИИ САТҲИ БАЛАНД ДАР ДУШАНБЕ. Беш аз 100 хабарнигори расонаҳои бонуфузи хориҷӣ рафти онро инъикос мекунанд
Мартин Чунгонг: «Ташаббуси Президенти Тоҷикистон оид ба дипломатияи об сазовори дастгирӣ дар ҳама сатҳҳо мебошад»
Донишгоҳи сулҳи СММ саҳми Президенти Тоҷикистон Эмомалӣ Раҳмонро дар сулҳ, рушди устувор ва ҳамкории минтақавӣ қадрдонӣ намуд
Тшилидзи Марвала: «Пешсафии Эмомалӣ Раҳмон дар соҳаи энергияи «сабз» ҷомеаи ҷаҳонро илҳом мебахшад»
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Ҳамкории мутақобилан судманди Тоҷикистону Корея дар соҳаи маъданҳои муҳим баррасӣ гардид
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
Рӯзҳои фарҳанги Тоҷикистон дар Қирғизистон ба анҷом расиданд
