Варзишгарони навраси Ёвон дар Мусобиқаи байналмилалӣ оид ба футбол соҳиби ҷойҳои намоён шуданд
ДУШАНБЕ, 28.04.2026. /АМИТ «Ховар»/. Аз 18 то 24 апрел дар Ҷумҳурии Қазоқистон байни наврасони солҳои таваллуди 2015 – 2016 Мусобиқаи байналмилалӣ оид ба футбол баргузор гардид. Дар ин мусобиқа дастпарварони Муассисаи давлатии «Мактаби махсуси варзишӣ оид ба футбол»–и ноҳияи Ёвон иштирок намуда, соҳиби ҷойҳои намоён гардиданд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Иттилоъ дода шуд, ки варзишгарони навраси ноҳия ҷойҳои ифтихории дуюм ва сеюмро сазовор гардида, мураббиёни онҳо барои саҳми арзанда дар тарбияи варзишгарон бо унвони «Беҳтарин мураббӣ» қадрдонӣ карда шуданд.
Раиси ноҳияи Ёвон Икромиддин Вализода зимни суҳбат бо варзишгарон ва мураббиёни онҳо иброз намуд, ки ин дастовардҳо нишони равшани сиёсати хирадмандонаи давлату Ҳукумат дар самти рушди варзиш ва тарбияи насли солиму ватандӯст ба ҳисоб мераванд.
Имрӯзҳо таваҷҷуҳи давлату Ҳукумати мамлакат ба рушди соҳаи варзиш ва тарбияи ҷисмонӣ тақвият ёфта, дар тамоми гӯшаю канори ҷумҳурӣ барои оммавигардонии варзиш, ҷалби наврасону ҷавонон ба машқу тамрин ва фароҳам овардани шароити муосир тадбирҳои судманд амалӣ мегарданд.
Дар доираи сиёсати пешгирифта бунёду таҷдиди инфрасохтори варзишӣ, аз ҷумла майдончаҳои варзишӣ, толорҳои муосир ва муассисаҳои махсусгардонидаи варзишӣ густариш ёфта, барои рушду парвариши истеъдодҳои ҷавон имконоти мусоид фароҳам оварда шудаанд. Ин тадбирҳо заминаи боэътимоди омодагии босифати варзишгаронро фароҳам оварда, иштироки муваффақонаи онҳоро дар мусобиқаҳои минтақавӣ ва байналмилалӣ таъмин менамоянд.
Ба ғолибон ва мураббиён аз ҷониби Мақомоти иҷроияи ҳокимияти давлатии ноҳияи Ёвон Сипоснома ва туҳфаҳои хотиравӣ тақдим карда шуданд.
АКС: Мақомоти иҷроияи ҳокимияти давлатии ноҳияи Ёвон
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
