Дар қароргоҳи СММ Рӯзи ҷаҳонии футболро таҷлил намуданд
ДУШАНБЕ, 20.05.2026 /АМИТ «Ховар»/. Дар Маҷмаи Умумии Созмони Милали Муттаҳид бо ташаббуси намояндагиҳои доимии Тоҷикистон, Баҳрайн ва Либия ва дар ҳамкорӣ бо дигар ҳайатҳо Рӯзи ҷаҳонии футбол таҷлил карда шуд. Дар ин хусус АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид хабар медиҳад.
Намояндаи доимии Тоҷикистон дар Созмони Милали Муттаҳид Ҷонибек Ҳикмат дар ифтитоҳи чорабинӣ доир ба қудрати муттаҳидкунандаи варзиш ва аҳамияти ҷаҳонии Қатъномаи 78/281, ки соли 2024 бо ибтикори Тоҷикистон, Баҳрайн ва Либия бо иттифоқи оро қабул шуда буд, сухан гуфт.
Ҷонибек Ҳикмат таъкид кард, ки ин қатънома «на танҳо ҷашни варзиш, балки забони муштаракест, ки ҳар миллат барои сулҳ, рушд ва тавонмандии занону духтарон истифода мебарад» ва футбол аз марзҳо, ҳувият ва тафриқаҳои сиёсӣ фаротар меравад.
Инчунин уҳдадории Тоҷикистон барои рушди футбол дар сатҳи миллӣ таъкид гардида, иброз шуд, ки дар кишвар, ки аҳолии асосан ҷавон дорад, ин навъи варзиш ба сармоягузории стратегӣ дар тақвияти ваҳдати иҷтимоӣ ва эҷоди имконияти нав табдил ёфтааст.
Таҳти роҳбарии Президенти Ассотсиатсияи футболи Осиёи Марказӣ ва Федератсияи футболи Тоҷикистон муҳтарам Рустами Эмомалӣ дар мамлакат беш аз 500 майдони муосири футбол сохта шуда, дастаҳои занона ташкил гардидаанд, барномаи омӯзишии доварони ҷавон васеъ ва муассисаҳои футбол бозсозӣ шудаанд, то дастрасии баробар ба футбол барои ҳамаи кӯдакон таъмин гардад.
Тоҷикистон бори дигар уҳдадории худро барои таблиғи арзишҳое, ки дар Қатъномаи 78/281 муқаррар шудаанд ва таблиғи футбол ҳамчун неруи ваҳдат ва рушд дар саросари ҷаҳон тасдиқ намуд.
Ёдовар мешавем, ки бо ташаббуси Президенти Федератсияи футболи Тоҷикистон, Президенти Ассотсиатсияи футболи Осиёи Марказӣ, Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва дар асоси қатъномаи Маҷмаи Умумии Созмони Милали Муттаҳид аз 7 майи соли 2024 ҳамасола 25 май ҳамчун Рӯзи ҷаҳонии футбол таҷлил карда мешавад.
АКС: Намояндагии доимии Тоҷикистон дар Созмони Милали Муттаҳид
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
