Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
ДУШАНБЕ, 18.06.2026 /АМИТ «Ховар»/. Дар доираи татбиқи Лоиҳаи «Идоракунии раванди обшавии пиряхҳо ва таъмини амнияти обӣ» ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон маҷмуи таҷҳизоти саҳроӣ, мониторингӣ, технологияҳои иттилоотӣ ва геодезӣ, инчунин як мошини барфгард ва мошини хизматӣ дастрас карда шуд. Дар ин хусус АМИТ «Ховар» бо истинод ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар медиҳад.
Дар маросими супоридани таҷҳизоти мусоир намояндагони Бонки Осиёии рушд дар Тоҷикистон, Сафорати Ҷопон дар Ҷумҳурии Тоҷикистон ва Агентии ҳамкории байналмилалии Ҷопон (JICA) иштирок намуданд.
Таҷҳизот барои таҳкими иқтидори техникӣ, такмили низоми мушоҳида ва ҷамъоварии маълумот, инчунин баланд бардоштани самаранокии корҳои мониторинги пиряхҳо, захираҳои обӣ ва равандҳои обуҳавошиносӣ мусоидат хоҳанд намуд. Ин иқдом қадами муҳим дар роҳи рушди низоми миллии мониторинги пиряхҳо, таҳкими амнияти обӣ ва татбиқи тадбирҳои мутобиқшавӣ ба тағйирёбии иқлим дар Ҷумҳурии Тоҷикистон арзёбӣ мегардад.
Бояд тазаккур дод, ки ҳамкории мутақобилан судманд байни Тоҷикистон ва Бонки Осиёии рушд дар самти мониторинги иқлим, омӯзиш ва ҳифзи пиряхҳо сол то сол густариш меёбанд. Бонки Осиёии рушд ҳамчун яке аз шарикони асосии рушд аз татбиқи лоиҳаҳои муҳими соҳавӣ барои таҳкими иқтидори техникӣ, рушди низоми мониторинги пиряхҳо ва мутобиқшавӣ ба тағйирёбии иқлим дар Тоҷикистон дастгирии доимӣ менамояд.
Дар идомаи ин ҳамкорӣ намояндагони Бонки Осиёии рушд ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ташриф оварда, ҷараёни татбиқи Лоиҳаи «Идоракунии раванди обшавии пиряхҳо ва таъмини амнияти обӣ», натиҷаҳои бадастомада ва нақшаҳои минбаъдаи амалисозии онро мавриди баррасӣ қарор доданд.
Зимни мулоқот масъалаҳои марбут ба иҷрои нишондиҳандаҳои лоиҳа, нақшаҳои молиявӣ ва харид, татбиқи нишондиҳандаҳои гендерӣ ва дигар ҷанбаҳои муҳими амалисозии лоиҳа муҳокима гардиданд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
