Студияи наву муосир дар назди рӯзномаи «Навиди сино» ба истифода дода шуд
ДУШАНБЕ, 07.06.2026 /АМИТ «Ховар»/. Ба истиқболи ҷашни 35-солагии Истиқлоли давлатӣ ва дар доираи татбиқи ҳадафҳои «Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ» дар назди Муассисаи давлатии рӯзномаи «Навиди Сино»-и Мақомоти иҷроияи ҳокимияти давлатии ноҳияи Синои шаҳри Душанбе студияи муосири расонаӣ бо фарогирии таҷҳизоти навтарин ба истифода дода шуд.
Тавре ба АМИТ «Ховар» аз рӯзномаи «Навиди Сино» хабар доданд, дар маросими ифтитоҳи студия роҳбарияти ноҳияи Синои шаҳри Душанбе, кормандони сохторҳои мақомоти иҷроияи ҳокимияти давлатӣ ва дигар масъулин иштирок намуданд.
Зимни шиносоӣ бо имкониятҳои студияи нав таъкид гардид, ки ин иқдом барои татбиқи Консепсияи ҳукумати электронӣ, рушди фазои иттилоотӣ ва таҳкими корҳои тарғиботиву ташвиқотӣ дар ноҳия заминаи мусоид фароҳам меорад. Дар студия сабти мусоҳибаҳо, барномаҳои таҳлилӣ ва иттилоотӣ, подкастҳо, суҳбату мулоқот бо олимон, адибон, коршиносон ва шахсиятҳои маъруф, инъикоси фаъолияти мақомоти давлатӣ, муаррифии дастовардҳои даврони соҳибистиқлолӣ, тарғиби арзишҳои миллӣ, баланд бардоштани маърифати сиёсиву ҳуқуқии шаҳрвандон ва омода намудани маводи гуногуни аудиовизуалӣ барои шабакаҳои иҷтимоӣ ба роҳ монда мешавад.
Раиси ноҳияи Сино Умед Гуреззода зимни суҳбат бо кормандони рӯзнома иброз дошт, ки рушди расонаҳои муосир ва истифодаи васеи технологияҳои рақамӣ барои саривақт ба аҳолӣ расонидани иттилооти дақиқу боэътимод ва тарбияи насли ҷавон дар руҳияи ватандӯстиву худшиносӣ аҳамияти хос дорад.
АКС: Муассисаи давлатии рӯзномаи «Навиди Сино»
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
