Варзишгоҳи марказии шаҳри Ваҳдат навсозӣ карда мешавад
ДУШАНБЕ, 14.06.2026. /АМИТ «Ховар»/. 10 июн намояндагони Федератсияи футболи Тоҷикистон дар Варзишгоҳи марказии шаҳри Ваҳдат бо корҳои навсозии ин иншоот аз наздик шинос гардиданд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ваҳдат.
Бояд гуфт, ки бо ташаббус ва дастгирии Президенти Федератсияи футболи Тоҷикистон муҳтарам Рустами Эмомалӣ аз ҷониби Конфедератсияи футболи Осиё чаманзори Варзишгоҳи марказии шаҳри Ваҳдат пурра навсозӣ ва ба талаботи меъёрҳои байналмилалӣ мутобиқ гардонида мешавад.
Тибқи супоришҳо, мутахассисони соҳа айни замон барои сари вақт бартараф кардани он камбудиҳое, ки дар ҷараёни корҳои навсозии варзишгоҳ ошкор гардидаанд, чораҳои зарурӣ андешида истодаанд. Бо мақсади иҷрои саривақтии супоришҳои мазкур дар шаҳр ситоди корӣ зери роҳбарии раиси шаҳр ташкил шуда, рафти корҳо зери назорат қарор доранд.
Ёдовар мешавем, ки 3 феврали соли 2025 Президенти Федератсияи футболи Тоҷикистон (ФФТ) муҳтарам Рустами Эмомалӣ бо раисони ВМКБ, вилоятҳои Хатлону Суғд, роҳбарони як қатор вазорату идораҳои кишвар, раисони шаҳру ноҳияҳо, инчунин, масъулони соҳаи футбол мулоқот карданд. Дар вохурӣ вазъи кунунии варзишгоҳҳои марказии шаҳрҳои Ваҳдат ва Ҳисор тариқи монитор намоиш дода шуд. Муҳтарам Рустами Эмомалӣ ба Раиси шаҳри Ваҳдат дастур доданд, ки варзишгоҳи марказии шаҳр ба меъёрҳои байналмилалӣ ҷавобгӯ карда шавад.
АКС: Мақомоти иҷроияи ҳокимияти давлатии шаҳри Ваҳдат
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
Пешвои миллат: «Ба истиқболи ҷашни 35-солагии Истиқлоли давлатӣ дар вилояти Суғд 15 ҳазору 400 иншоот бунёд ва навсозӣ гардид»
