Ҳамкории Ҷумҳурии Тоҷикистон ва Муғулистон дар доираи Ёддошти тафоҳум густариш меёбад
ДУШАНБЕ, 22.07.2026 /АМИТ «Ховар»/. 21 июл пас аз анҷоми мулоқоту музокироти сатҳи олӣ байни Тоҷикистон ва Муғулистон маросими табодули санадҳои нави ҳамкорӣ баргузор шуд. Дар ҳузур ва бо иштироки Президенти Ҷумҳурии Тоҷикистон муҳтарам Эмомалӣ Раҳмон ва Президенти Муғулистон муҳтарам Ухнаагийн Хурэлсух 12 санад, аз ҷумла байни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати фарҳанг, варзиш, сайёҳӣ ва ҷавонони Муғулистон Ёддошти тафоҳум табодул карда шуд.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд, ҳадафи асосии ин санад таҳкими муносибатҳои дӯстона ва густариши ҳамкорӣ байни ду давлат дар соҳаи ҷавонон ва варзиш мебошад.
Дар доираи ин санад ҷонибҳо ба мувофиқа расиданд, ки ҳамкориро тавассути мубодилаи таҷриба ва дониш, татбиқи ташаббусҳои муштарак ва рушди равобити касбӣ байни сохторҳои ду давлат тақвият бахшанд.
Тибқи муқаррароти Ёддошти тафоҳум, ҳамкорӣ дар самтҳои мубодилаи таҷриба байни ҷавонони ду давлат дар соҳаи ҷавонон ва варзиш, рушди малакаҳои фарҳангӣ, ташкили мусобиқаҳо, чорабиниҳо ва фестивалҳои варзишӣ, рушди инфрасохтори варзиш, ҷалби сармоягузорӣ ба соҳаҳои мазкур, инчунин мубодилаи таҷриба дар самти идоракунӣ ва рушди муассисаҳои варзишӣ ба роҳ монда мешавад.
Тибқи ин санад ҷонибҳо барои пешбурди варзиши духтарон, рушди варзиши шахсони дорои имконияти маҳдуд, мубориза бар зидди допинг ва гузаронидани таҳқиқоту омӯзишҳои марбут ба физиологияи варзиш ҳамкориро густариш медиҳанд.
Барои таъмини иҷрои самараноки муқаррароти санад таъсиси кумитаи муштарак пешбинӣ шудааст, ки вазифаи ҳамоҳангсозии фаъолият, таҳияи барномаҳои муштарак ва баррасии ҷараёни амалисозии ташаббусҳоро ба уҳда хоҳад дошт. Ҷаласаҳои кумитаи муштарак дар Тоҷикистон ва Муғулистон баргузор мегарданд.
Ёддошти тафоҳум барои густариши ҳамкории Тоҷикистону Муғулистон дар соҳаи ҷавонон ва варзиш заминаи ҳуқуқӣ ва ташкилии нав фароҳам оварда, ба рушди муносибатҳои дуҷониба ва татбиқи лоиҳаҳои муштарак мусоидат мекунад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
Варзишгарони тоҷик ба хазинаи варзишии Тоҷикистон 278 медал ворид намуданд
Варзишгари Тоҷикистон дар мусобиқаи байналмилалии теннис соҳиби ду медали тилло шуд
