Доварони футболи Тоҷикистон омодагиро ба қисми дуюми мавсим оғоз намуданд
ДУШАНБЕ, 18.07.2026 /АМИТ «Ховар»/. 17 июл дар Маркази техникии Федератсияи футболи Тоҷикистон, воқеъ дар ноҳияи Варзоб дар доираи омодагӣ ба қисми дуюми мавсим даврҳои омӯзишии «FIFA MA Elite Referees Course» оғоз гардиданд. Дар ин хусус ба АМИТ «Ховар» аз Федератсияи футболи Тоҷикистон хабар доданд.
Машғулиятро дастурдиҳандаи Федератсияи байналмилалии футбол (ФИФА) ва Конфедератсияи футболи Осиё (AFC) Ҳакан Аназ аз Австралия баргузор намуда, ба ӯ инструктори омодагии ҷисмонии доварони Федератсияи футболи Тоҷикистон Кристина Пронженко кумак мерасонад.
Дар даврҳо 35 довар, аз ҷумла 12 довари марказӣ, 21 ёвари довар, як довари VAR ва як ёвари эҳтиётӣ иштирок доранд. Ҳамчунин нозирони Лигаи олии Тоҷикистон ба барномаи омӯзишӣ ҷалб шудаанд.
Дар рӯзи якуми даври омӯзишӣ ҳама иштирокчиён аз санҷишҳои ҳатмии омодагии ҷисмонӣ муваффақона гузашта, омодагиашонро барои фаъолият дар қисми дуюми мавсим тасдиқ намуданд.
Даврҳои омӯзишии панҷрӯзаи ФИФА то 20 июл идома ёфта, машғулияти назариявӣ ва амалиро дар бар мегиранд. Дар доираи онҳо доварон бо навтарин тағйироту тавсияҳои қоидаҳои доварӣ, ки дар Ҷоми ҷаҳон-2026 татбиқ мешаванд, шинос мегарданд.
Тавре роҳбари Раёсати доварон ва нозирони Федератсияи футболи Тоҷикистон Рустам Абдуллоев иброз дошт, аз қисми дуюми мавсим дар бозиҳои чемпионати Тоҷикистон якчанд навовариҳое ҷорӣ хоҳанд шуд, ки аллакай дар Ҷоми ҷаҳон-2026 истифода шудаанд ё ҳоло дар марҳилаи озмоиш қарор доранд.
АКС: Федератсияи футболи Тоҷикистон
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
