Дар Ҷамоати деҳоти Равшани ноҳияи Зафаробод корхонаи нави парандапарварӣ бунёд карда шуд
ДУШАНБЕ, 21.08.2026 /АМИТ «Ховар»/. Дар Ҷамоати деҳоти Равшани ноҳияи Зафаробод аз ҷониби соҳибкори маҳаллӣ Фарзона Сангинова корхонаи нави парандапарварӣ ташкил гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Зафаробод иттилоъ доданд.
Ин нахустин корхонаи истеҳсоли гӯшти мурғ дар ин ҷамоати деҳот ба ҳисоб меравад. Масъулини корхона нақша доранд, ки саршумори парандаро то ба 25 ҳазор сар расонанд. Баробари афзудани саршумори паранда ҷойи кор низ зиёд мегардад.
Ташкили чунин корхонаҳои истеҳсолӣ талаботи рӯз буда, бояд чунин коргоҳҳо дар дигар минтақаҳои ноҳия низ ташкил карда шаванд.
Бояд гуфт, ки парандапарварӣ яке аз соҳаҳои асосии самти чорводорӣ ба ҳисоб рафта, дар таъмини аҳолӣ бо ғизои сафедадор мавқеи намоён дорад. Он яке аз соҳаҳои муҳимтарин ва сердаромади комплекси агросаноатӣ мебошад. Рушди корхонаҳои парандапарварӣ дар таъмини амнияти озуқаворӣ, пайдоиши ҷойи нави кор ва дастрасии аҳолӣ ба гӯшту тухми арзон ва босифат нақши калидӣ дорад.
АКС: Мақомоти иҷроияи ҳокимияти давлатии ноҳияи Зафаробод
Имрӯз дар ноҳияҳои алоҳидаи Тоҷикистон омадани сел пешгӯӣ мешавад
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
