Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ДУШАНБЕ, 11.08.2026 /АМИТ «Ховар»/. Дар шаҳри Душанбе бо иштироки варзишгарони зиёда аз 70 давлати ҷаҳон дуюмин Чемпионати ҷаҳон оид ба гӯштини миллӣ (гӯштингирӣ) баргузор мегардад, иттилоъ медиҳад АМИТ «Ховар».
Дуюмин Чемпионати ҷаҳон оид ба гӯштини миллӣ (гӯштингирӣ) аз 15 то 16 август бахшида ба 35-солагии Истиқлоли давлатӣ дар шаҳри Душанбе доир мегардад.
Паҳлавонон дар 9 вазн — 3 вазн байни занон ва 6 вазн байни мардон бо ҳам рақобат мекунанд. Дар ҳамаи вазнҳо ба ғолибони ҷойи якум 20 000 доллар, барандагони медали нуқра – 10 000 ва медали биринҷӣ 5 000 доллари амрикоӣ тақдим карда мешавад.
Ёдовар мешавем, ки якумин Чемпионати ҷаҳон оид ба гӯштингирӣ аз 28 то 31 августи соли 2024 дар шаҳри Душанбе баргузор шуда, дар он зиёда аз 200 варзишгар аз 60 давлати ҷаҳон иштирок карда буданд.
Дар ҳайати Тоҷикистон дар дуюмин Чемпионати ҷаҳон оид ба гӯштингирӣ байни мардон дар вазни 65 кг Ёсин Бобокалонов, Муҳаммад Салимов, Мустафои Абдулфайз, дар вазни 71 кг Муҳаммадисо Раҷабов, Умар Шеров, Абдуллои Ориф, дар вазни 78 кг Маҳмадшариф Наҷмиддинов, Қоим Шукронов, Мирзоҷамил Рамазонов, дар вазни 86 кг Сайфиддин Сайфиддинзода, Ҳамроз Раҷабов, Ҳақназар Назаров, дар вазни 95 кг Комроншоҳ Устопириён, Акмал Муродов, Саидҷамол Алимардонов ва дар вазни +95 кг Шарифҷон Назриев, Шакармамад Мирмамадов ва Фирдавс Насимов иштирок менамоянд.
Дар байни духтарон дар вазни 57 кг Шоҳида Қаландарова, Ҷонона Назарова, Фотима Исанбоева, дар вазни 70 кг Шаҳло Эрматова, Миҷгона Сафарова ва дар вазни +78 кг Мавлуда Асламова рақобат менамоянд.
АКС аз манбаъҳои боз
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
