ДАР ПАЙРАВӢ БА ИҚДОМИ ПЕШВОИ МИЛЛАТ. Ба 40 нафар ятими кулли шаҳри Ҳисор либоси мактабӣ тақдим гардид
ДУШАНБЕ, 27.08.2026 /АМИТ «Ховар»/. Дар арафаи соли нави хониш ба 40 нафар ятимони кулли шаҳри Ҳисор либоси мактабӣ ва лавозимоти хониш тақдим карда шуд, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Зимни тақдими либос ва лавозимоти хониш роҳбарияти шаҳри Ҳисор изҳор доштанд, ки ғамхорӣ ба ятимону бепарасторон, дастгирии кӯдакону наврасон ва фароҳам овардани шароити мусоид барои таълиму тарбияи онҳо яке аз самтҳои муҳими сиёсати иҷтимоии давлат, хусусан Президенти Ҷумҳурии Тоҷикистон муҳтарам Эмомалӣ Раҳмон мебошад.
Гуфта шуд, ки барои таҳсили хубу самараноки хонандагон фароҳам овардани шароити зарурӣ ва таъмини онҳо бо лавозимоти таълимӣ муҳим буда, ҷомеа бояд дар тарбияи насли наврас саҳми муносиб гузорад.
Хонандагон барои дастгирӣ ва таваҷҷуҳи ҳамешагӣ изҳори сипос намуда, иброз доштанд, ки бо истифода аз имконияти фароҳамгардида бо баҳои хубу аъло таҳсил намуда, дар оянда ҳамчун фарзандони шоистаи Ватан ба ҷомеа хизмат менамоянд.
Ин тадбир дар доираи сиёсати иҷтимоии Ҳукумати Ҷумҳурии Тоҷикистон ва омодагӣ ба соли нави таҳсил андешида шуда, барои руҳбаландии хонандагон ва фароҳам овардани шароити беҳтари таҳсил замина мегузорад.
АКС: Мақомоти иҷроияи ҳокимияти давлатии шаҳри Ҳисор
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Тоҷикобод хати нави оби нӯшокӣ ва иншооти иҷтимоӣ мавриди истифода қарор гирифтанд
