Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
ДУШАНБЕ, 08.08.2026 /АМИТ «Ховар»/. Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу 9 медалро соҳиб шуд. Дар ин хусус ба АМИТ «Ховар» аз Федератсияи ҷиу — ҷитсуи Тоҷикистон хабар доданд.
Дар Чемпионати расмии ҷаҳон оид ба ҷиу-ҷитсу дастаи мунтахаби Тоҷикистон 1 медали тилло, 1 медали нуқра ва 7 медали биринҷӣ ба даст овард.
Дар он барандаи медали тиллои чемпионати ҷаҳон No-Gi Исмоил Зиёев дар вазни 77 кг гардид. Барандаи медали нуқраи чемпионати ҷаҳон (No-Gi) Самир Ризоев дар вазни 85 кг гардида, барандагони медали биринҷии чемпионати ҷаҳон (Gi) Комил Боймуродов дар вазни 77 кг, Хушвахт Раҳмихудоев дар вазни 85 кг, Исмоил Зиёев дар вазни 77 кг, Салмон Ризоев дар вазни 69 кг, Самир Ризоев дар вазни 85 кг, Анас Саидов дар вазни 32 кг ва Юсуф Набиев дар вазни 40 кг гардиданд.
Ба даст овардани 9 медали Чемпионати ҷаҳон оид ба ҷиу-ҷитсу аз тарафи дастаи Тоҷикистон дастоварди таърихӣ маҳсуб мешавад.
Тавре мураббии даста иброз дошт, бо вуҷуди он ки дар мусобиқаи ҷаҳонӣ дастаҳои зиёде аз давлатҳои гуногун иштирок доштанд, варзишгарони мо тавонистанд маҳорати баланд нишон дода, чунин натиҷаҳои назаррасро ба даст оваранд.
Соли 2026 варзишгарони тоҷик дар мусобиқаҳои Боку ва Узбекистон, инчунин дар Чемпионати Осиё дар Қазоқистон ба дастовардҳои назаррас ноил гардиданд. Акнун ба рӯйхати ин дастовардҳо як чорабинии бузурги ҷаҳонӣ низ илова шуд.
АКС: Федератсияи ҷиу — ҷитсуи Тоҷикистон
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
