Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ДУШАНБЕ, 05.08.2026 /АМИТ «Ховар»/. Дар шаҳри Душанбе семинари дурӯза оид ба ташкили бозиҳо барои комиссарони нави Ассотсиатсияи футболи Осиёи Марказӣ (CAFA) ба анҷом расид.
Тавре ба АМИТ «Ховар» аз Федератсияи футболи Тоҷикистон хабар доданд, давоми ду рӯз комиссари ФИФА ва КФО аз Қирғизистон Кемел Токабоев таҷрибаи ғании байналмилалиашро бо иштирокчиён мубодила намуда, дар бораи тартиби ташкили бозиҳо мутобиқ ба талаботи байналмилалӣ муфассал маълумот дод.
Федератсияи футболи Тоҷикистонро дар ин семинар кормандони раёсати муносибатҳои байналмилалии ФФТ ва мутахассисони Федератсияи футболи шаҳри Душанбе намояндагӣ карданд.
Дар семинари омӯзишӣ масъалаҳои асосии фаъолияти комиссарони бозиҳо, аз ҷумла нақш, вазифа ва уҳдадориҳои онҳо, омодасозии варзишгоҳҳо барои баргузории вохӯриҳои байналмилалӣ, масъалаҳои маркетинг ва воситаҳои ахбори омма, таъмини бехатарӣ, ҳамкорӣ бо ташкилкунандагони бозиҳо, тартиби омода намудани ҳуҷҷатҳои расмӣ, пур кардани гузоришу ҳисобот, инчунин баррасии ҳолатҳои гуногуни фавқулода ва тартиби амал дар чунин вазъиятҳо мавриди омӯзиш қарор гирифтанд.
Дар анҷоми семинар довталабон барои дохил шудан ба ҳайати комиссарони бозиҳои CAFA аз рӯи барномаи омӯзишӣ имтиҳон супориданд. Иштирокчиёне, ки аз санҷиш муваффақона гузаштанд, ба ҳайати комиссарони бозиҳои мусобиқаҳои Ассотсиатсияи футболи Осиёи Марказӣ барои мавсими нав дохил мешаванд.
АКС: Федератсияи футболи Тоҷикистон
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
