Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
ДУШАНБЕ, 03.09.2026 /АМИТ «Ховар»/. 1 сентябр дар арафаи ҷашни 35-солагии Истиқлоли давлатии Ҷумҳурии Тоҷикистон дар бинои Сафорати Ҷумҳурии Тоҷикистон дар Олмон дар ҳамкорӣ бо «Open International Dialogue» зарфияти иқтисодию сайёҳӣ ва мероси фарҳангии Тоҷикистон муаррифӣ гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Олмон хабар доданд.
Сафири Фавқулода ва Мухтори Ҷумҳурии Тоҷикистон дар Олмон Имомудин Сатторов дар чорабинӣ дастовардҳои муҳимми мамлакатро дар даврони Истиқлоли давлатӣ, аз ҷумла рушди иқтисодӣ, беҳтар гардидани фазои сармоягузорӣ ва имконияти мавҷуда барои тавсеаи ҳамкории иқтисодию тиҷоратӣ муаррифӣ намуд.
Ҳамзамон таваҷҷуҳи иштирокчиён ба зарфияти сайёҳӣ ва мероси ғании таърихию фарҳангии Тоҷикистон ҷалб карда шуд.
Дар идомаи чорабинӣ Президенти «Open International Dialogue» ва коршиноси масоили Осиёи Марказӣ Кристиан Гроссе ба иштирокчиён таассуроти худро аз сафар ба Тоҷикистон ва шиносоӣ бо ин мамлакат баён намуд.
Дар фарҷоми чорабинӣ оид ба аҳаммияти идомаи муколама ва таҳкими робитаҳои мутақобили судманд табодули афкор доир шуд.
АКС: Сафорати Ҷумҳурии Тоҷикистон дар Олмон
Китоби «Тоҷикон»-и Бобоҷон Ғафуров ба забони олмонӣ нашр гардид
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
