Дар «Саноатсодиротбонк» 35-солагии Истиқлоли давлатӣ таҷлил гардид
ДУШАНБЕ, 09.09.2026 /АМИТ «Ховар»/. Дар Корхонаи воҳиди давлатии Бонки саноатию содиротии Тоҷикистон «Саноатсодиротбонк» бахшида ба 35-солагии Истиқлоли давлатӣ чорабинии тантанавӣ баргузор гардид, ки дар он намояндагони вазорату кумитаҳо, Мақомоти иҷроияи ҳокимияти давлатии шаҳри Душанбе, соҳибкорони муваффақ ва шарикони фаъоли Бонк, кормандон ва намояндагони филиалу марказҳои хизматрасонии бонкӣ иштирок намуданд.
Тавре ба АМИТ «Ховар» аз Корхонаи воҳиди давлатии Бонки саноатию содиротии Тоҷикистон «Саноатсодиротбонк» хабар доданд, чорабинӣ бо эҳсоси баланди ватандӯстию ифтихори миллӣ ва барномаи рангини фарҳангиву фароғатӣ — намоиши масири давлатсозии миллӣ, саҳнаҳои театрикунонидашуда, дастовардҳои замони соҳибистиқлолӣ, маросими ҷоизасупорӣ ва шодию фараҳи иштирокчиён баргузор гардид.
Таъкид гардид, ҷашни Истиқлол барои мо танҳо як санаи тақвимӣ нест, балки рамзи роҳи тайкардаи давлат, натиҷаи созандагиву ободкорӣ ва неруи созандаи мардуми Тоҷикистон мебошад, ки «Саноатсодиротбонк» низ дар ин масири рушд бо масъулият саҳми худро мегузорад.
Дар идомаи чорабинӣ ба соҳибкорони муваффақ, муштариёни фаъоли Бонк ва кормандони пешсаф барои саҳми арзанда дар рушди ҳамкорӣ, фаъолияти самаранок ва дастовардҳои меҳнатӣ «Сипоснома» ва «Ифтихорнома»-ҳои «Саноатсодиротбонк» супорида шуданд.
АКС: Корхонаи воҳиди давлатии Бонки саноатию содиротии Тоҷикистон «Саноатсодиротбонк»
ҚУРБИ АСЪОР: 1 доллари ИМА аз 9.2600 то 9.2700 сомонӣ муқаррар шудааст
Натиҷаҳои рушди иқтисодии Тоҷикистон дар Таиланд муаррифӣ гардиданд
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Намояндагони Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ иштирок намуданд
