Дар Кӯлоб барои тарбиятгирандагони мактаб-интернати №1 хобгоҳи нави замонавӣ ифтитоҳ гардид

Октябрь 5, 2026 17:10

ДУШАНБЕ, 05.10.2026 /АМИТ «Ховар»/. Дар доираи сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба шаҳру ноҳияҳои вилояти Хатлон дар   шаҳри Кӯлоб якчанд иншооти соҳаи маориф ба тариқи фосилавӣ ба истифода дода шуданд, ки яке аз онҳо бинои замонавии хобгоҳи мактаб-интернати рақами 1 барои кӯдакони ятим дар деҳаи Лағмон  мебошад. Дар ин хусус ба АМИТ «Ховар» аз Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.

Бинои нави хобгоҳ ва маҷмуи иншооти инфрасохтории иҷтимоиву варзишӣ бо мақсади ба таври назаррас беҳтар намудани шароити зист, таҳсил, истироҳат ва рушди ҷисмонии тарбиятгирандагони мактаб-интернат бунёд гардид.  Бино аз 14 ҳуҷраи хоб, 160 кат, 2 толори васеъ барои бозӣ ва машғулияти инкишофдиҳанда, 5 утоқи корӣ ва бахшҳои ёрирасон барои зиндагии хуби ятимону кӯдакони маъюб иборат буда, бо низоми эҳтиётии барқ дар асоси неруи офтобӣ таъмин карда шудааст.

Ҳамчунин барои таъмини муассиса бо об  чоҳи амудии дорои чуқурии зиёда аз 100 метр омода карда шуд, ки тавассути он мактаб-интернат бо манбаи доимии об таъмин гардид.   Дар назди мактаб-интернат хоҷагии ёрирасон мавҷуд аст, ки дар он зиёда аз 670 бех дарахти мевадиҳанда шинонида шудааст.

Дар Мактаб-интернати ёрирасони №1 шаҳри Кӯлоб тақрибан 150 тарбиятгирандаи синни мактабӣ ба таҳсил фаро тгирифта шуда,  ба таври шабонарӯзӣ нигоҳубин карда мешаванд.

 АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон

 

Октябрь 5, 2026 17:10

Хабарҳои дигари ин бахш

Дар Душанбе Форуми байналмилалии тандурустӣ-2026 баргузор гардид
Ташаббусҳои Тоҷикистон дар соҳаи зеҳни сунъӣ дар Шанхай муаррифӣ карда шуданд
Дар ноҳияи Ёвон бахшида ба Рӯзи Президент ҳамоиши сиёсӣ-фарҳангӣ доир гардид
Ба муносибати 35-солагии муносибатҳои дипломатии Тоҷикистону Чин конфронси байналмилалӣ доир шуд
Дар Тоҷикистон рақамикунонии низоми нафақа тақвият меёбад
Дар Кӯлоб бахшида ба Рӯзи Президент конференсияи илмӣ-амалӣ баргузор шуд
Муовини Сарвазири Тоҷикистон ба ифтихори Рӯзи Президент дар Академияи идоракунии давлатӣ ҳафтаи ҷашниро ифтитоҳ намуд
ПРЕЗИДЕНТ — РАМЗИ ВАҲДАТ, СУБОТ ВА ДАВЛАТДОРИИ МИЛЛӢ. Дар ноҳияи Фирдавсӣ ҳамоиши сиёсиву фарҳангӣ баргузор шуд
Исломиддин Раҳмон: «Иҷлосияи тақдирсоз ва Рӯзи Президент саҳифаи тиллоӣ дар таърихи давлатдории тоҷикон мебошанд»
Cозишнома оид ба ҳамкории вазоратҳои адлияи давлатҳои иштирокдори ИДМ ба имзо расид
Таҳкими ҳамкории илмӣ-таҳқиқотӣ байни Тоҷикистон ва Швейтсария баррасӣ шуд
Иммунизатсия яке аз усулҳои муҳими ҳифзи саломатии кӯдакон мебошад