Дар Вашингтон масъалаи омодагӣ ба Форуми сеюми соҳибкории кишварҳои Осиёи Марказӣ ва Амрико баррасӣ гардид

Октябрь 30, 2026 14:23

ДУШАНБЕ, 30.10.2026 /АМИТ «Ховар»/. Дар шаҳри Вашингтон дар  мавзӯи «Омодагӣ ба Форуми сеюми соҳибкории кишварҳои Осиёи Марказӣ ва Иёлоти Муттаҳидаи Амрико (B5+1) нишаст  баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Иёлоти Муттаҳидаи Амрико хабар доданд.

Дар чорабинӣ Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Завқӣ Завқизода, ноиби аввали Президенти Палатаи тиҷорати ИМА Хуш Чакси, ноиби Президенти Палатаи тиҷорати ИМА Ҷениффер Миел ва ширкатҳои амрикоӣ — аъзои Палатаи тиҷорати Амрико, аз ҷумла ширкатҳои бонуфузи Boeing, Visa, Coca-Cola, KBR ва McLarty Associates иштирок намуданд.

Сафири Ҷумҳурии Тоҷикистон Завқӣ Завқизода имкониятҳои сармоягузории Ҷумҳурии Тоҷикистонро ба ширкатҳои амрикоӣ муаррифӣ намуд, гуфт, ки Тоҷикистон дар минтақаи муҳими стратегӣ ҷойгир шудааст ва аз захираҳои табиӣ, аз ҷумла маъданҳои нодири стратегӣ, обию гидроэнергетикӣ бой аст.

Таъкид гардид, ки Тоҷикистон моҳи апрели соли 2027 мизбони Форуми сеюми соҳибкории кишварҳои Осиёи Марказӣ ва ИМА (B5+1) хоҳад гардид ва ширкатҳои амрикоиро ба иштироки фаъол дар Форуми мазкур даъват шуданд.

Ҷонибҳо тасмим гирифтанд, ки барои дар сатҳи баланд ва бо натиҷаҳои беҳтарин гузаронидани Форуми мазкур  ҳамкорӣ ва корбарӣ менамоянд.

АКС: Сафорати Ҷумҳурии Тоҷикистон дар Иёлоти Муттаҳидаи Амрико

 

Октябрь 30, 2026 14:23

Хабарҳои дигари ин бахш

Дар Екатеринбург бахшида ба санаҳои муҳими давлатӣ ва таърихии Тоҷикистон чорабинии тантанавӣ баргузор шуд
Дипломатияи обии Тоҷикистон: афзалияти миллӣ, ҳамкории минтақавӣ ва аҳаммияти ҷаҳонӣ
Дар Женева Конфронси байналмилалии илмӣ бахшида ба мероси илмии Абуалӣ ибни Сино баргузор гардид
Ҳамкории Тоҷикистону ИМА дар самтҳои мубориза бар зидди терроризму ифротгароӣ баррасӣ гардид
Сафири Тоҷикистон дар брифинг доир ба раванди омодагӣ ба «Саммити ҷаҳонии ҳукуматҳо-2027» дар Дубай иштирок намуд
COP31. Ҳайати Тоҷикистон дар ифтитоҳи Павилиони «Об барои иқлим» иштирок намуд
Сафири Тоҷикистон бо Вазири тиҷорат, саноат ва пешбурди сармоягузории Умон мулоқот намуд
Ҳамкории Тоҷикистону Кувайт дар бахши сармоягузорӣ баррасӣ гардид
Намояндаи Тоҷикистон дар ҷаласаи UNECE доир ба иқтисоди даврӣ иштирок намуд
Сафири Тоҷикистон бо устондори Муборак Ал-Кабири Кувайт вохӯрӣ намуд
Ташаббусҳои байналмилалии Тоҷикистон дар соҳаи обу иқлим дар Донишкадаи таҳсилоти обии Делфт муаррифӣ гардиданд
Рӯзи Президенти Ҷумҳурии Тоҷикистон, Конститутсия ва Парчами давлатӣ дар шаҳри Боку таҷлил карда шуд