«ХУШДОМАНИ БЕҲТАРИН». Шоҳҷоизаи озмун насиби Холбӣ Амонбекова аз шаҳри Хоруғ гардид
ДУШАНБЕ, 01.10.2026 /АМИТ «Ховар»/. Дар Вилояти Мухтори Кӯҳистони Бадахшон Озмуни ҷумҳуриявии «Хушдомани беҳтарин» ҷамъбаст гардида, ғолибон бо Диплом ва туҳфаҳои хотиравӣ сарфароз гардонида шуданд.
Тавре ба АМИТ «Ховар» аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд, дар ҷамъбасти озмун Холбӣ Амонбекова аз шаҳри Хоруғ сазовори Шоҳҷоизаи озмун гардид. Ҳамзамон ҷойи якум ба Отамбегим Шакаршоева аз ноҳияи Шуғнон, ҷойи дуюм ба Моҳинав Рӯзадорова ва Розиямо Суддиқова ва ноҳияи Рӯшон ва ҷойи сеюм насиби Гулоро Мизробова аз ноҳияи Роштқалъа ва Қурбумо Саидова аз ноҳияи Ванҷ гардид.
Ёдовар мешавем, ки Озмуни ҷумҳуриявии «Хушдомани беҳтарин» соли сеюм аст, ки дар Тоҷикистон дар доираи «Барномаи давлатии рушди оила дар Ҷумҳурии Тоҷикистон барои солҳои 2024-2028» гузаронида мешавад. Он бо мақсади таҳкими арзишҳои оилавӣ, баланд бардоштани мақоми зан дар ҷомеа, тарғиби фарҳанги оиладорӣ, эҳтироми калонсолон ва ҳифзу рушди суннатҳои неки миллӣ баргузор мегардад.
Баргузории чунин озмунҳо дар самти муаррифии нақши арзандаи занон дар таҳкими оила ва ҷомеа, эҳёи анъанаҳои миллӣ ва тарбияи насли наврас дар руҳияи эҳтиром ба арзишҳои оилавӣ аҳамияти муҳим дорад.
Ҷамъбасти озмун бори дигар нишон дод, ки ҳифзи арзишҳои оилавӣ, эҳтироми модарону занон ва арҷгузорӣ ба таҷрибаи зиндагии калонсолон яке аз омилҳои муҳими таҳкими ҷомеаи солим ба ҳисоб меравад.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Дар Тоҷикистон ду нафари аз 110-сола боло зиндагӣ менамоянд
РӮЗИ БАЙНАЛМИЛАЛИИ ПИРОНСОЛОН. Куҳансолон хазинаи бебаҳои инсоният мебошанд
Масъалаи ҳифзи кӯдакон аз таъсири таблиғи ғизои носолим баррасӣ гардид
Дар вилояти Хатлон ғолибони Озмуни ҷумҳуриявии «Хушдомани беҳтарин» муайян гардиданд
Осори Мавлоно чун падидаи нодири адабиёт ва андешаи башарӣ то имрӯз аҳаммияти бузурги маънавию ахлоқӣ дорад
Доир ба нақши Мавлоно дар ташаккули фарҳанги сулҳ конференсияи илмӣ-амалӣ баргузор шуд
Рӯзи дуюми Форуми дуюми сулҳи Фарғона таҳти унвони «Ынтымак» (Рӯзи ягонагӣ) доир шуд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик конференсияи илмӣ доир шуд
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
