Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
ДУШАНБЕ, 12.10.2026 /АМИТ «Ховар»/. Имрӯз иштирокдорони Форуми байналмилалии ҷавонони Созмони ҳамкории Шанхай аз толори ташаббусҳои байналмилалии Ҷумҳурии Тоҷикистон дар соҳаи об ва ҳифзи пиряхҳои Осорхонаи миллии Тоҷикистон боздид намуданд.
Ба АМИТ «Ховар» аз Оосрхонаи миллии Тоҷикистон иттилоъ доданд, ки зимни боздид ба меҳмонон оид ба ташаббусҳои созанда ва иқдомҳои байналмилалии Ҷумҳурии Тоҷикистон таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон дар самти ҳалли мушкилоти глобалии марбут ба захираҳои об, тағйирёбии иқлим ва ҳифзи пиряхҳо маълумот пешниҳод гардид.
Иштирокдорони форум аз аҳаммияти ташаббусҳои ҷаҳонии Тоҷикистон, ки ба истифодаи оқилонаи захираҳои об, таъмини дастрасӣ ба оби тоза, таҳкими ҳамкории байналмилалӣ ва ҳифзи пиряхҳо ҳамчун манбаи муҳими оби ошомиданӣ равона шудаанд, огоҳ гардиданд.
Ҳамзамон таваҷҷуҳи меҳмонон ба нақши Тоҷикистон дар пешбурди рӯзномаи ҷаҳонии обу иқлим ва талошҳои кишвар барои ҷалби таваҷҷуҳи ҷомеаи байналмилалӣ ба масъалаҳои ҳифзи муҳити зист ва истифодаи устувори захираҳои табиӣ ҷалб карда шуд.
Боздиди иштирокдорони форум аз толори мазкур барои густариши донишҳои онҳо дар бораи ташаббусҳои байналмилалии Тоҷикистон, муаррифии дастовардҳои кишвар ва таҳкими робитаҳои дӯстона байни ҷавонони давлатҳои аъзои Созмони ҳамкории Шанхай заминаи мусоид фароҳам овард. Чунин боздидҳо барои баланд бардоштани маърифати ҷавонон, таҳкими ҳамкории фарҳангӣ ва тарғиби арзишҳои умумибашарӣ, аз ҷумла ҳифзи захираҳои об ва пиряхҳо аҳаммияти муҳим доранд.
АКС: Осорхонаи миллии Тоҷикистон
ИМРӮЗ–РӮЗИ КИНОИ ТОҶИК. Аз соли 1991 то соли 2025 дар маҷмуъ 313 филм ба навор гирифта шудааст
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
